A fichaxe dun mediocentro para o Pontevedra, en punto morto
![Manu](/web/cache/scene/uploads/xornalistas/foto/c92/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/613a3b2f4f-20210902-patxot-radio-programa-deportes-1889.jpg)
Por Manu Otero
O Pontevedra dispón dunha ficha sénior libre e só a ocupará se atopan un xogador que se axuste ao que pide o adestrador Ángel Rodríguez. O cadro granate precisa dun mediocentro de gran poderío físico, con presenza en ambas as áreas, con experiencia na categoría e que chegue a Pasarón coa etiqueta de titular indiscutuble. Con todo, a procura está a resultar complicada.
O preparador recoñece que o asunto está "estancado", aínda que puntualiza que nos dous últimos días de mercado a situación podería desbloquearse. "Estes últimos días son dos que non hai anda e de golpe aparecen unha chea de posibilidades. Hai xogadores de 1ª RFEF que non van entrar en Segunda e vai haber un corte, como fichas de dominó van ir caendo xogadores a categorías inferiores. As últimas 48 horas van ser frenéticas", augura Rodríguez.
Nese contexto, o técnico leonés aspira a que o conxunto de Pasarón faga valer a súa condición dun dos cocos da 2ª RFEF. "Nesta categoría, o Pontevedra ten que estar preparado para fichar a eses xogadores e entendemos que o xogador sempre vai pensar nun equipo como o Pontevedra antes que noutros clubs", afirma.
Con todo, se ese desexado centrocampista non aparece, non haberá máis fichaxes. "Se traemos algo, ten que mellorar o que temos abaixo, senón é inncesario facer gastar diñeiro ao club porque non o vou a poñer a xogar. Ou marca diferenzas ou prefiro seguir como estou", subliña Rodríguez, aínda que remarca que "necesitamos ese xogador".
Sobre as tres fichas sub 23 sen asignar, a intención do club é cubrilas con xogadores das categorías inferiores e, a falta de catro días para o peche do mercado, esa idea non variou. O que aínda non está decidido é o nome dos tres xogadores que pasarán a ter ficha co primeiro equipo.
Relacionadas:
-
Ángel Rodríguez: "Teño un plantel bo e un once titular moi competitivo"
Por Manu Otero |
-
Álex González: "Aínda nos faltan por puír moitos detalles, pero estamos preparados"
Por Manu Otero |
-
O Pontevedra finaliza a pretempada con vitoria sobre o Verín (0-4)
Por Almu Dapena |
-
O Pontevedra precisa un "líder" no centro do campo para pechar o plantel
Por Manu Otero |