Recibimento aos subcampións de Europa de tiro olímpico
Por Redacción
O alcalde de Pontevedra, Miguel Anxo Fernández Lores, e o concelleiro de Deportes, Tino Fernández, recibiron esta mañá a tres membros do Club de Tiro Olímpico Río Lérez logo dos notables resultados obtidos no V campionato de Europa de Trap 5.
O campionato foi celebrado entre o 31 de xullo e o 1 de agosto nas instalacións de Pervidem (Portugal), quedando subcampións por equipos os integrantes do Río Lérez, equipo composto por Adan Güimil, John Henderson e Fernando Dopazo.
Güimil, ademais, foi quen de acabar a competición como subcampión de Europa con 145 pratos rotos.