O encoro de Verducido convértese no centro de alto rendemento para os canoistas españois
Por Manu Otero
O complexo deportivo David Cal situado no encoro do Pontillón do Castro en Verducido será a partir de agora a base dos adestramentos de preparación da delegación española para os campionatos do mundo júnior, sub 23 e absoluto na modalidade de canoa masculina e feminina. Ademais, o propio centro acollerá o desenvolvemento do programa de alto rendemento para a canoa masculina en augas tranquilas.
Esta adxudicación xa é unha realidade despois do acto protocolario de firma do convenio de colaboración entre os presidentes da Real Federación Española de Piragüismo, Pedro Pablo Barrios, co seu homólogo galego, Alfredo Bea. Un fito no que estivo tamén presente o secretario xeral para o deporte da Xunta, José Ramón Lete Lasa.
Estes dous acordos volven situar a Galicia como un referente do piragüismo nacional e internacional como xa se demostrou nos Xogos Olímpicos, nos que dous das sete medallas do piragüismo español tiveron acento galego.
Na práctica, este pacto tradúcese no desembarco en Galicia durante estes días do equipo nacional de canoa tanto masculino como feminino para a preparación do mundial júnior e sub 23 que terá lugar en Portugal, entre o 3 e o 6 de setembro; así como o de categoría absoluto que se celebrará en Copenhague a partir do 16 de setembro.
Ademais, algúns dos canoístas que se trasladaron a Sevilla para preparar o pasado ciclo olímpico regresarán agora a Galicia, onde xa se atopa o groso do equipo sub 23 que pugnará para estar nos próximos Xogos Olímpicos.
Relacionadas:
-
Fundan en Pontevedra a liga de piragüismo da Eurorrexión Galicia - Norte de Portugal
Por Redacción |
-
O equipo nacional feminino de kaiak establece a súa base no CGTD de Pontevedra
Por Diego Espiño |
-
O Mundial Sprint Copenhague, último gran reto da tempada para o piragüismo pontevedrés
Por Redacción |
-
Por primeira vez o CGTD ten máis mulleres que homes
Por Oskar Viéitez |
-
Boa imaxe do piragüismo pontevedrés no Campionato de España de Maratón Curto
Por Redacción |
-
Maratón de piragüismo esta fin de semana en Verducido
Por Manu Otero |
-
O selectivo júnior e sub-23 en Verducido outorga as primeiras prazas para Europeo e Mundial ao piragüismo pontevedrés
Por Diego Espiño |
-
Teresa Portela imponse no selectivo de Verducido e gaña oficialmente a praza para os Xogos de Tokyo
Por Diego Espiño |
-
Pontevedra postúlase como sede do Campionato de España de Piragüismo Maratón
Por Diego Espiño |