![](/web/cache/scene/uploads/fotos/foto/b76/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/611a820e26-42ee3283-84f8-4de2-aaad-3bf9450b259b.jpeg)
© Concello de Cerdedo-Cotobade
Echegoyen e Jácome seguen recibindo homenaxes polo seu papel en Tokio
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/f91/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/611a81f1d4-08af7c93-403e-4d8b-a080-9f884743a9e6.jpg)
© Concello de Cerdedo-Cotobade
As olímpicas Támara Echegoyen e Antía Jácome non deixan de recibir recoñecementos. O último tivo lugar no Concello de Cerdedo-Cotobade onde o rexedor, Jorge Cubela, e membros do goberno local rendéronlles homenaxe polos seus logros en Tokio e para lembrar as súas raíces cotobadesas. "Son dúas veciñas deste municipio que conseguiron entrar na historia do deporte galego, español e mundial pola súa participación nos Xogos", destacan desde o Concello.
Cunha pancarta colgada do balcón do consistorio, o executivo municipal deu a benvida ás dúas deportistas que recibiron logo o recoñecemento no salón de plenos do inmoble.
"O orgullo que sinto como alcalde de poder recibir a dúas deportistas do noso municipio que fan historia e seguirán facéndoa non so polos seus magníficos resultados senón, sobre todo, pola súas cualidades humanas", subliñou o rexedor, quen as animou a seguir competindo "con ese xenio, esas gañas e, sobre todo, ese fair play que fai que todo o mundo siga con admiración os vosos progresos e os vosos logros".