O Ravachol renova á súa xoven promesa, Ania Setién
Por Redacción
O Club Bádmiton Ravachol Pontevedra acaba de renovar á xoven promesa Ania Setién para disputar a próxima tempada en División de Honra. A vasca afincada en Galicia exercitarase durante o verán o Centro de Alto Rendemento de Madrid, pero seguirá vinculada ao equipo pontevedrés no que será o seu segundo ano.
A número 6 actual do mundo junior e 7 veces campioa de España en categorías inferiores, disputou tan só 10 partidos ligueiros co primeiro equipo, cun balance de cinco vitorias e cinco derrotas.
Lastrada polas lesións, Ania Setién espera "achegar moitos puntos ao equipo e ter a continuidade que as lesións me impediron o ano pasado" e únese aos xa renovados Manuel Brea, Georgina Bland, Álex Nogueira, Ana Carbón, Gabriel Fernández e á fichaxe de Jacobo Fernández.
O director deportivo do club, Jesús Pereiro, explicou que esta tempada "esperamos que as lesións queden atrás e podamos ver no tapiz todo o potencial de Ania, que sen dúbida é o futuro do bádminton nacional" e afirmou que desde o Ravachol están "moi contentos" pola renovación da xogadora, "chovéronlle ofertas de moitísimos clubs tanto españois como estranxeiros, algo normal pola súa impresionante traxectoria e progresión, pero a súa predisposición para quedar connosco pesou máis que o económico, polo que lle agradecemos enormemente esta decisión".
Pola súa banda, a dirección deportiva segue traballando na confección do equipo, especialmente na parte feminina, e xa negocia con algunhas posibles fichaxes que se poderían concretar nas próximas semanas.
FALTA DE INSTALACIÓNS
O Bádminton Ravachol segue insistindo na falta de instalacións para que adestren os equipos basees do club. "A pesar da predisposición do IES Sánchez Cantón para ceder de novo as súas instalacións como viña facendo antes da pandemia, non nos poden asegurar nada a día de hoxe, e o concello púxonos de prazo o día 9 para atopar instalación ou a escola municipal non sairá adiante" comentaba o coordinador das escolas e xogador do Primeiro Equipo, Manuel Brea.
"A escola municipal de bádminton foi un éxito desde que a sacamos por primeira vez, chegando a ter máis de 80 solicitudes para 30 prazas ofertadas, polo que é unha pena que non se atope un oco nalgunha instalación onde se poida levar a cabo", concluíu.
Relacionadas:
-
Elena Fernández, Pablo Sanmartín e María Torres pechan as renovacións no Bádminton Ravachol
Por Redacción |
-
O Ravachol renova ao seu especialista en dobres, Javi Sánchez
Por Redacción |
-
O Ravachol xa coñece o seu calendario, debutará o 25 de setembro en Huelva
Por Redacción |
-
Georgina Bland dálle ao Bádminton Ravachol a súa primeira alegría da tempada
Por Redacción |
-
Jacobo Fernández, primeira fichaxe do Bádminton Ravachol tras confirmase a súa continuidade en División de Honra
Por Redacción |
-
Ana Carbón confirma a súa continuidade no proxecto de División de Honra do Ravachol
Por Redacción |
-
A Federación Española ofrece ao Bádminton Ravachol unha praza en División de Honra
Por Diego Espiño |
-
O Bádminton Ravachol avanza na súa planificación deportiva renovando a Gabriel Fernández
Por Redacción |
-
Manuel Brea convértese na segunda renovación do Bádminton Ravachol
Por Redacción |
-
A renovación de Georgina Bland, primeira pedra do novo proxecto do Ravachol despois do descenso
Por Redacción |