Caetano Horta, remeiro formado no CGTD, debuta esta noite nos Xogos de Tokyo
Por Redacción
Apenas unhas horas despois da cerimonia de inauguración, o remeiro galego Caetano Horta debutará nos Xogos Olímpicos de Tokyo 2020. Será nas series eliminatorias do dobre scull lixeiro, acompañado polo catalán Manel Balastegui.
Horta, natural de Noia, é un dos deportistas formados no Centro Galego de Tecnificación Deportiva de Pontevedra que, aos seus 18 anos, logrou a súa clasificación para a que será as súas primeiras olimpíadas.
Loitará por un posto nas semifinais a partir das 04:40 horas da madrugada. Competirá na terceira das series, xunto a rivais procedentes de Canadá, Noruega, Chile, Alxeria e Bélxica. Só dous dos barcos terán acceso directo á semifinal.
O resto terán aínda a opción dunha repesca, que se celebrará na madrugada do sábado ao domingo, segundo recolle a programación da proba.
O obxectivo da parella formada por Horta e Balastegui é poder alcanzar esta semifinal no seu debut olímpico, aínda que aseguran non renunciar a nada. Iso si, esta experiencia serviralles, sen dúbida, para seguir preparándose para futuras citas deportivas.
Relacionadas:
-
Caetano Horta dálle ao CGTD un diploma olímpico no dobre scull lixeiro remo
Por Diego Espiño |
-
Caetano Horta, á final B no dobre scull lixeiro de remo
Por Diego Espiño |
-
Caetano Horta cumpre na repesca e estará nas semifinais de dobre scull de remo
Por Alejandro Espiño |
-
Caetano Horta, á repesca para poder entrar na semifinal olímpica de remo dobre scull
Por Alejandro Espiño |
-
Natación artística e ximnasia, dúas novas modalidades deportivas para o CGTD
Por Redacción |
-
Chegan os Xogos Olímpicos: Así será o calendario pontevedrés con Gómez Noya como primeiro en competir
Por Diego Espiño |
-
Caetano Horta, remeiro do CGTD: da selectividade a Tokio 2021
Por Manu Otero |