O internacional Míguel Ángel Vílchez e o ruso Ilia Isakov, reforzos do Monte Porreiro para o seu desafío europeo
Por Diego Espiño
A estrea do Tenis de Mesa Monte Porreiro en competición europea trae consigo un importante esforzo para o club pontevedrés no económico e tamén no deportivo, sendo necesario reforzar o seu plantel para o desafío que se lle presenta.
Neste sentido, nada máis anunciar a súa clasificación para a ETTU Cup, o Monte Porreiro fixo oficial dúas fichaxes coas que espera dar un salto de calidade para a esixente tempada 21-22.
O primeiro deles é o internacional español Miguel Ángel Vílchez, sete veces campión de España individual en categorías inferiores e que participou coa Selección Española en competicións como o Campionato do Mundo por Equipos de 2017 ou o Campionato de Europa 2018. No último curso defendeu a camiseta do Sant Jordi na División de Honra.
"Rexeitou ofertas moito mellores para vir connosco", revela o director deportivo do club, Nando Álvarez, satisfeito por incorporar "un xogador do noso estilo, de raza e forza".
A segunda fichaxe é Ilia Isakov, ruso de 21 anos que a pasada campaña xogou en Galicia na Superdivisión co AD Vincios disputando 19 partidos e gañando 13 deles. "É un xogador dunha proxección incrible", analiza Álvarez.
Ambos os dous xogadores "nunha tempada tan complicada e longa van vir ben", asegurou o tamén adestrador do equipo.
Relacionadas:
-
O TM Monte Porreiro renuncia ao soño europeo da Trophy Cup: "É unha decisión moi dura"
Por Diego Espiño |
-
Primeira xornada na casa da tempada para o Tenis de Mesa Monte Porreiro na Superdivisión
Por Redacción |
-
Esforzo sen recompensa para o Monte Porreiro na primeira xornada do seu histórico debut en Europa
Por Diego Espiño |
-
O TM Monte Porreiro pon rumbo á República Checa para debutar en Europa "sen presión"
Por Diego Espiño |
-
Paso á fronte do equipo feminino do TM Monte Porreiro coa incorporación de Claudia Canay
Por Diego Espiño |
-
O debut do TM Monte Porreiro en Europa xa ten data e sede: 22 e 23 de outubro na República Checa
Por Diego Espiño |
-
O Tenis de Mesa Monte Porreiro coñece aos seus primeiros rivais europeos
Por Diego Espiño |
-
Salto cara a Europa do Tenis de Mesa Monte Porreiro, que xogará a ETTU Cup: "É un feito histórico na cidade"
Por Diego Espiño |
-
Un "salto de calidade" para o tenis de mesa feminino na cidade
Por Diego Espiño & Cristina Saiz |
-
Ilusión no TM Monte Porreiro ante a posibilidade de debutar en competición europea
Por Diego Espiño |