O taekwondo chega a Cotobade e Ponte Caldelas coa creación de dúas escolas deportivas
Por Redacción
Cotobade e Ponte Caldelas contarán con senllas escolas deportivas de taekwondo durante o presente curso escolar dentro do programa da Deputación de Pontevedra.
A oferta nesta modalidade deportiva únese ás que xa existían en 2012 en 53 concellos da provincia en fútbol, balonmán, patinaxe, judo, fútbol sala, rugby, marcha, natación, piragüismo e xadrez. En todas elas participaron o pasado curso case 30.000 nenos.
As dúas novas escolas de taekwondo serán gratuítas, ao igual que no resto das existentes, asumindo o seu custo a Deputación, neste caso particular valorado en aproximadamente 6.000 euros.
Este proxecto contará con todo o material e os medios humanos necesarios con técnicos profesionais como o medallista internacional José Antonio Carregal.