Caridad e Ana Rivera, primeiras renovacións no Poio Pescamar
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
O Poio Pescamar empeza a poñer as primeiras pedras do seu novo proxecto deportivo na Primeira División.
Tras as baixas anunciadas de Silvia Aguete, Antía Pérez, Mirian e Clara, o conxunto conserveiro confirmou este xoves as súas primeiras renovacións.
Trátase de Caridad e Ana Rivera, ambas as dúas pezas importantes o último ano nos plans e esquemas do seu adestrador Manu Cossío.
No caso de Caridad, afrontará a súa terceira campaña na Seca chamada a asumir aínda maior responsabilidade tras a saída de Silvia. A recoñecida como cuarta mellor gardameta mundial de 2020 será un dos piares do Poio Pescamar 21/22.
O mesmo tempo leva no equipo Ana Rivera, chegada a Poio no verán de 2019 desde o Alcorcón e que se converteu nunha fixa na rotación. Seu foi o histórico gol que meteu ás vermellas na final da Copa da Raíña o pasado mes de decembro.
As dúas xogadoras prolongan o seu contrato co Poio Pescamar por unha tempada.