O marinense Zoe del Río consegue o bronce no Campionato de España de Enduro
Por Redacción
A Escola Irene Trabazo XSM Clube Ciclista de Marín levou unha alegría no Campionato de España de Enduro BTT celebrado durante a fin de semana na localidade coruñesa de Mugardos.
O responsable foi o seu ciclista Zoe del Río, que competiu dentro da Selección Galega de categoría júnior.
Despois de cico tramos cronometrados, Del Río finalizou no terceiro posto da súa categoría cun tempo de 17:56.084, sendo só superado polos cataláns Adrián Cuéllar e Paul Olm, primeiro e segundo respectivamente.
O marinense quedou a pouco máis dun segundo da medalla de prata (17:54.886).
"Partiamos para tentar levarnos o campionato. O traballo previo estaba feito e as opcións eran altas, pero como sempre as carreiras hai que correlas dous contratempos fixéronnos perder un tempo valioso. Aínda así moi contento co resultado", explicou Zoe del Río tras o Nacional en declaracións ao seu club.
O seu próximo reto será agora o campionato galego da especialidade.
Relacionadas:
-
A Selección Galega de ciclocrós cólgase dez medallas no Campionato de España de Torrelavega
Por Redacción |
-
A marinense Irene Trabazo faise co ouro na proba de Ciclocrós da Copa Galicia e Zoe del Río finaliza segundo
Por Redacción & Cristina Saiz |
-
O marinense Zoe del Río proclámase nos Pireneos subcampión de España júnior de enduro
Por Redacción |