O Ribadumia desperdicia os tres puntos e asina un empate co As Pontes (2-2)
Por Redacción
O Club Deportivo Ribadumia desperdiciou os tres puntos no enfrontamento deste domingo fronte ao As Pontes na Senra. Fran Fandiño para os locais e David García para os ferroláns foron os protagonistas do encontro cun dobrete cada un.
Abriu o marcador Fran Fandiño no minuto 18, adiantando a un Ribadumia que necesitaba os tres puntos como auga de maio para lograr a permanencia en Terceira División. Igualou David García cando se alcanzaba a media hora de xogo, asinando as táboas a un gol ao chegar ao intermedio.
Despois do descanso, o 7 do Ribadumia volveu adiantar ao seu equipo a pouco de comezar a segunda metade, dando paso aos instantes máis intensos nos que o As Pontes non deixou de axexar a portería de Rober Pazos buscando o empate.
Un empate que chegou desde o punto de penalti cando quedaban 6 minutos para o final. David García converteuse outra vez en protagonista para o equipo visitante, enviando á rede o esférico e anotando o 2-2 co que concluíu o encontro.
Consulta a acta do Ribadumia-As Pontes
Relacionadas:
-
Derrota do Ribadumia pola mínima contra o Viveiro na Senra
Por Redacción |
-
Tres puntos de ouro para o Ribadumia, que vence o Estudantil e soña coa permanencia (0-2)
Por Almu Dapena |
-
O Ribadumia adiántase pero termina perdendo co Fisterra (1-2)
Por Redacción |
-
O Ribadumia perde co Paiosaco e volve aos postos de descenso (1-0)
Por Redacción |
-
O Ribadumia ponse ao día cun triunfo ante o Estudiantil que lle fai saír do descenso (2-0)
Por Redacción |