O Teucro celebra o seu 76 aniversario con sorteos para os seus afeccionados
Por Redacción
A pandemia interrompeu hai un ano o calendario de festexos que a Sociedad Deportiva Teucro preparara polas súas 75 primaveras, debendo adaptarse á situación sanitaria.
Agora, a 4 de maio de 2021, o club pontevedrés volve soprar as velas polo seu 76 aniversario, e faino querendo premiar aos seus seguidores con varios sorteos que se celebrarán nas próximas datas.
A idea é recompensar a "os afeccionados ao balonmán, aqueles afeccionados que a pesar da incerteza non dubidaron en renovar o seu carné de socios, aqueles afeccionados que cando lle toco quedarse na casa e non acceder ao Pavillón sufriu en silencio co equipo, e en xeral, a todos os socios do balonmán que ano tras ano están nas boas e nas malas", explica a entidade teucrista.
O primeiro sorteo celebrarase este xoves 6 de maio, con recompensa de dúas entradas dobres para o importante partido do domingo (12.00 horas) fronte ao Amenabar Zarautz, doio clave na loita pola permanencia na División de Honra Prata.
Por outra banda o xoves 20 de maio celebrarase un segundo sorteo con dous "pack do afeccionado", que conteñen un deles camiseta do equipo, unha mochila, unha bufanda e o outro pack unha camiseta, suadoiro e bufanda.
Por último o venres 4 de xuño publicarase o nome da persoa gañadora dun abono sénior para a tempada 2021/2022.
Para participar, cada persoa debe subscribirse á canle de Youtube da Sociedad Deportiva Teucro e encher o formulario que aparece na súa web.
Relacionadas:
-
A permanencia do Teucro, un paso máis preto tras a súa vitoria en Málaga (24-26)
Por Almu Dapena |
-
Puntuar en Málaga para depender de si mesmos, obxectivo dun Teucro coa auga ao pescozo
Por Redacción |
-
O Teucro, impotente en ataque, cae con claridade co Amenabar Zarautz (23-30)
Por Almu Dapena & Cristina Saiz |
-
Trámite para o Cisne, partido a vida ou morte para o Teucro
Por Redacción |
-
Sufrida e valiosísima vitoria do Teucro na pista do Trapagaran para escapar de postos de descenso (24-25)
Por Diego Espiño |
-
O Teucro estrélase co Zamora e regresa de vacío (29-25)
Por Almu Dapena |
-
O Teucro derrota o Ikasa Madrid para facerse coa primeira vitoria da fase pola permanencia (29-28)
Por Almu Dapena & Cristina Saiz |