Adeus ás opcións de ascenso directo para o Arosa tras caer en As Eiroas co Bergantiños (2-1)
Por Almu Dapena
O Arosa queda sen opcións de ascender ao caer por 2-1 en As Eiroas co Bergantiños. Pola súa banda, os coruñeses selan o seu pase á Segunda RFEF a falta dunha xornada para o final da fase.
Aos de Rafa Sáez púxoselles costa arriba o encontro aos 12 minutos a balón parado. Yelco sacou de esquina e Agulló cabeceou á rede colocando o 1-0.
Pouco lle durou a alegría ao Bergantiños. Apareceu Kilian dez minutos despois para colocar as táboas outra vez no encontro. O xogador arlequinado recibiu un balón en longo e aproveitou o erro da defensa para anotar o 1-1. Minutos antes, Pedro Beda foi substituído por molestias no pescozo.
Co empate, o Arosa deu un paso adiante, chegando en varias ocasións e de forma perigosa á área rival.
Con todo, de novo, ao comezo da segunda metade, o Bergantiños púxose por diante no marcador para anotar o 2-1 definitivo. Nesta ocasión, Uzal roubou o esférico en campo propio, Cano continuou por banda dereita e centrou ao mediocentro, que enviou o balón desde o bordo da área pequena onde non puido chegar Álex Cobo.
A emoción estivo presente en As Eiroas ata que o colexiado pitou o final. Aos 66 de partido, Pedro García foi expulsado por unha entrada dura a Martín Lamelas.
Consulta a acta do Bergantiños-Arosa
Relacionadas:
-
O Arosa xogará a fase de ascenso a 2 RFEF na casa tras vencer o Somozas por 3-1
Por Almu Dapena |
-
O aprazado Arosa-Somozas xogarase o 23 de maio, e a fase de ascenso desde o 30
Por Redacción |
-
Aprazado o partido entre o Arosa e o Somozas ao detectarse un positivo por covid no equipo coruñés
Por Redacción |
-
Arosa e Ribadumia levan os tres puntos ante o Polvorín e o Arzúa
Por Almu Dapena |
-
Importante vitoria do Arosa na súa visita ao Somozas (0-1)
Por Almu Dapena |
-
Recital do Arosa na Lomba para vencer o líder Bergantiños (3-1)
Por Almu Dapena |