Presentada a regata de dornas Desafío Arousa que se disputará no Grove o 6 de outubro
Por Redacción
O Grove acollerá o próximo 6 de outubro a regata de dornas Desafío Arousa, que foi presentada na mañá deste venres.
A competición de embarcacións tradicionais coincidirá coa celebración da Festa do Marisco, nun campo de regatas accesible ao público entre O Corgo e a ponte da Toxa.
Nesta ocasión os Amigos da Dorna Meca do Grove competirán coa Asociación Dorna da Illa, gañadores da pasada edición do desafío. Ademais, este ano incluíuse na regata aos Amigos da Dorna de Portonovo.