Luisito recoñece que o Pontevedra ten "menos puntos dos que mereceu" e só pensa en "traballar e ser fortes mentalmente"
Por Almu Dapena
O parón para recuperar o partido do Rácing de Ferrol e Guijuelo este domingo, e a un encontro para concluír a primeira fase da liga na Segunda B, non quita o soño a Luisito, que só pensa en "adestrar e que os futbolistas se vaian atopando mellor para a segunda fase", sexa cal sexa.
O técnico granate recoñece que os tropezos do Pontevedra desde que el está de adestrador non son xustos; "temos menos puntos dos que o equipo mereceu", pero admite que "non vale de nada queixarse do que puido ser e non foi".
Sen tempo e ganas para lamentarse, Luisito recoñece que nunha liga de 38 xornadas "este equipo voaría" e estaría nos tres primeiros postos con Rácing de Ferrol e Deportivo. Con todo, ao tratarse de 18 partidos, "o marxe de erro é moi pequeno" e "é o risco que corres".
Neste sentido, o número reducido de xornadas tamén afecta os xogadores veteranos, entre eles Charles, o máis sinalado por non render ao seu mellor nivel. A pesar diso, o técnico do Pontevedra aposta por el. "Ten toda a miña confianza", confesa Luisito, que está "convencido de que aínda vai dar moitísimo" e vai ir "de menos a máis".
Coa vista posta na partida fronte ao Guijuelo o día 28, o de Teo pensa en "traballar máis que nunca" e "ser fortes mentalmente", única forma de chegar á seguinte fase "na mellor forma".
Relacionadas:
-
Derrota ante o pechacancelas Guijuelo dun Pontevedra que se complica a vida pola permanencia (2-1)
Por Diego Espiño |
-
A visita a Guijuelo, oportunidade para o Pontevedra de empezar a segunda fase con marxe sobre o descenso
Por Diego Espiño |
-
Luisito, disposto a seguir a próxima temporada: "Se a presidenta o Consello están contentos xa saben a miña resposta"
Por Diego Espiño |
-
Racing, Hércules, Córdoba, Mérida, Recreativo ou Real Murcia. Outros grandes nomes ausentes da Primeira RFEF
Por Diego Espiño |
-
O fútbol profesional, un chanzo máis lonxe para o Pontevedra
Por Diego Espiño |
-
O Coruxo vence o Racing, dispara as opcións do Pontevedra para ser sexto e aperta a fase pola permanencia
Por Manu Otero |
-
Rufo asume a loita pola permanencia e márcase acabar primeiros na seguinte fase como obxectivo
Por Manu Otero |
-
A pantasma do descenso, un pouco máis lonxe
Por Diego Espiño |
-
Bocanada de aire para o Pontevedra cunha reparadora goleada fronte ao Coruxo (3-0)
Por Diego Espiño & Cristina Saiz |