Inxusto empate entre Ribadumia e Rápido de Bouzas na Senra (0-0)
Por Redacción
Mereceu máis o Ribadumia no encontro deste domingo ante o Rápido de Bouzas. Os aurinegros axexaron a portería viguesa creando maior perigo, pero Rui salvou as numerosas locais para manter a portería a cero na Senra.
Comezou mellor o equipo de Luís Carro, cunha presión alta e tendo máis o esférico, xerando mellores ocasións de perigo pero sen abrir o marcador.
Así foron pasando os minutos, cun Ribadumia axexando a portería de Rui, que neutralizaba cada chegada rival.
A xogada polémica chegou no minuto 43. O porteiro do Rápido de Bouzas, nun dos moitos ataques dos locais, levou por diante a Cerqueiras cos tacos á altura da cara. Era o último xogador e puido ser vermella, pero o colexiado perdooulla e a xogada saldouse en cartón amarelo.
A segunda parte seguiu o mesmo guion que a primeira, o Ribadumia tendo as oportunidades máis claras pero sen ver o gol, facendo a Rui o protagonista do partido polas súas numerosas intervencións.
Fran Fandiño e Pablo González levaron o perigo nos instantes finais, este último no minuto 79 pero o seu remate salvouno Rui. Deste xeito, o marcador non se moveu e o Ribadumia suma un punto que o ascende ao noveno posto tras a derrota da UD Ourense.
Consulta a acta do Ribadumia-Rápido de Bouzas.
Relacionadas:
-
O Ribadumia cae contra o líder Arenteiro e xogará pola permanencia (3-1)
Por Almu Dapena |
-
Remontada do Ribadumia no derbi ante o Arosa (2-1)
Por Cristina Saiz & Almu Dapena |
-
O Ribadumia remonta para salvar un punto ante o Pontellas (2-2)
Por Redacción |
-
Un gol de Hugo Soto no desconto dá os tres puntos ao Ribadumia ante o Barco (1-0)
Por Redacción |