Zamora, destino do Teucro en busca do seu primeiro triunfo a domicilio
Por Diego Espiño
Primeira viaxe para a Sociedad Deportiva Teucro na recén estreada tempada da División de Honra Prata, cun partido na cancha do MMT Seguros Zamora (Sábado, 18:00 horas no Polideportivo Manuel Camba).
Será a primeira oportunidade para o conxunto azul de sumar puntos a domicilio, un aspecto que pode marcar as diferenzas ao longo da liga, segundo recoñece o técnico teucrista Javier Barrios: "ganar fuera es santo y seña de una buena clasificación, es algo que cuesta mucho".
Javier Barrios: "ganar fuera es santo y seña de una buena clasificación, es algo que cuesta mucho"
A pasada tempada os azuis estreáronse fóra de casa na novena xornada en Irún e non volveron gañar fóra ata a 17, en Barakaldo. ÿ por iso que Barrios non se fía dun Zamora que asegura non é o típico equipo recén ascendido: "puede ser nuevo en la categoría pero sus jugadores son veteranos en el balonmano. Cuentan con diferentes alternativas defensivas y respaldo de su afición, sin duda va a ser una tarde emocionante".
Sen embargo para o adestrador azul, máis alá dos puntos, o importante será seguir evolucionando no xogo: "lo que me importa es conseguir un buen nivel de juego, asentarnos en defensa y salir bien al contrataque".
Para a cita estarán dispoñibles todos os integrantes do primeiro plantel, a pesar dalgunhas molestias de varios xogadores como David Chapela ou Borja pero que non lles impedirán participar no choque.