Dobre cita clave para o Arxil en Canarias
Por Redacción
A sombra do descenso atenaza a un Club Baloncesto Arxil que afronta unha fin de semana clave para o seu futuro na Liga Feminina 2.
O conxunto pontevedrés afrontará unha dobre cita na Illas Canarias co obxectivo de romper a súa mala serie de tres derrotas consecutivas e afastarse da última praza.
As verdes caeron á penúltima posición, aínda que con tres vitorias de marxe sobre o que será o seu rival este venres 19 de febreiro en Lanzarote (20.30 horas na Península), o Magec Tías.
Vencer sería definitivo para gañar en tranquilidade durante o tramo final de liga, afastando a única praza de descenso directo e conseguindo marxe de vitorias para non ser o peor antepenúltimo dos tres grupos, que será o cuarto descendido.
Este encontro foi aprazado no seu día (8 de decembro) por un caso de covid no conxunto canario que finalmente resultou ser un falso positivo.
Para a cita Mayte Méndez non poderá contar con Samra Omerbasic, que non estaba inscrita no momento do aprazamento.
O periplo canario do Arxil completarase este domingo 21 (12.00 horas) en Tenerife visitando a pista do Adareva, sétimo clasificado.
Relacionadas:
-
A dificultade de viaxar a competir a Canarias en tempos de covid, segundo a experiencia do Arxil
Por Redacción |
-
O Arxil reencóntrase coa vitoria á conta dun Adareva que llo puxo difícil (68-70)
Por Almu Dapena |
-
A falta de acerto condena ao Arxil ante o último clasificado, o Maget Tías (70-64)
Por Almu Dapena |
-
Excesivo castigo para un Arxil que mereceu máis ante o Miralvalle (49-60)
Por Almu Dapena & Cristina Saiz |
-
Nova derrota do Arxil ao caer por 58-40 no derbi ante o Cortegada
Por Almu Dapena |
-
Derrota do Arxil en casa do Ibaizábal tras un desastroso primeiro cuarto (54-44)
Por Redacción |
-
Samra Omerbasic, reforzo para o Arxil desde a Liga Feminina
Por Redacción |