O Ribadumia séguese afundindo ao caer contra a UD Ourense (2-0)
Por Redacción
O Club Deportivo Ribadumia volveu a tropezar esta fin de semana e suma unha nova derrota tras caer coa Unión Deportiva Ourense por 2-0. Con este resultado, os de Luís Carro seguen penúltimos a tres puntos do Estradense, que gañou na súa casa ao Ourense CF.
A primeira metade de partido estivo marcada polas imprecisións de ambos os conxuntos, que gozaron de poucas ocasións para facer o gol.
Amín puxo a proba á zaga aurinegra no minuto 24 para, 10 minutos despois, aproveitar un pase de Carlos de Dios para lograr o primeiro tanto para a escuadra local.
Co 1-0 alcanzouse o descanso. Tras o paso polos vestiarios non cambiou o xogo do Ribadumia, que baixou os brazos e viuse co segundo gol en contra. Hugo García, que entrou na segunda metade para o equipo ourensán, quedou só diante de Rober Pazos e puxo o 2-0 no minuto 71.
Aínda que quedaban 20 minutos para a conclusión, nin Ribadumia nin a UD Ourense foron capaces de mover o marcador e alcanzouse o final do encontro co 2-0 establecido por Amín e Hugo García.
Consulta a acta do Unión Deportiva Ourense-Ribadumia
Relacionadas:
-
Dous erros defensivos condenan o Ribadumia ante o Estradense (2-1)
Por Almu Dapena |
-
Un gol de ouro de Cerqueiras tumba o Atios e dá osíxeno ao Ribadumia (1-0)
Por Redacción |
-
Quinto empate consecutivo para o Arosa (2-2) e derrota do Ribadumia no seu regreso á competición (1-2)
Por Almu Dapena |
-
Terceira derrota consecutiva para o Ribadumia, que caeu a domicilio ante un superior Choco (3-1)
Por Redacción |
-
O Ribadumia estrea o ano con derrota fronte o Ourense CF (2-4)
Por Redacción |