Fixan o esperado Arenteiro-Arosa aprazado pola covid para o mércores 10 de febreiro
Por Redacción
A Terceira División tenta recuperar aos poucos a normalidade tras varias semanas acumulando aprazamentos de partidos debido á covid.
Un dos equipos afectados, no seu caso directamente por ter enfrontarse a equipos que reportaron algún positivo ou con parte do seu persoal confinado é o Arosa, que viu como se aprazaban os seus dous primeiros partidos do ano fronte ao Arenteiro e á UD Ourense, ambos por esta circunstancia.
Agora o cadro arlequinado xa coñece cando se disputará o primeiro deles, un encontro marcado en vermello no calendario ao enfrontar aos dous primeiros clasificados, Arenteiro e Arosa.
Segundo confirmou a Real Federación Galega de Fútbol este choque disputarase finalmente no Carballiño o vindeiro mércores 10 de febreiro ás 16.30 horas.
dun bo número de partidos pendentes de celebración en Terceira División
— RFGF (@futgal) February 3, 2021
O @BerganFC - @udpaiosaco de hoxe abre o calendario de recuperación de encontros aprazados pic.twitter.com/RiiwVEuETU
Actualmente o Arosa, con 25 puntos, está a só 1 do liderado que ocupa o cadro ourensán, de aí a importancia dun partido que obrigará a un esforzo extra aos de Rafa Saez, xa que nunha semana afrontarán tres xornadas de liga, empezando o vindeiro domingo día 7 en casa do Choco e terminando o día 14 na Lomba fronte ao Pontellas.
Desta forma quedaría só pendente de recuperar para os de Vilagarcía o encontro aprazado contra a UD Ourense.
Pola súa banda o Ribadumia debe fixar tamén a data dos encontros pospostos polo confinamento de parte do seu plantel, contra o Atios na Senra e o Estradense a domicilio.
Relacionadas:
-
Novo empate do Arosa, que deixa escapar a vitoria na cancha do líder (0-0)
Por Redacción |
-
A Futgal fixa o 21 de febreiro como xornada para recuperar partidos aprazados en Terceira División
Por Redacción |
-
Quinto empate consecutivo para o Arosa (2-2) e derrota do Ribadumia no seu regreso á competición (1-2)
Por Almu Dapena |
-
Dúas semanas de illamento despois, o Ribadumia retoma a liga na Terceira División
Por Redacción |
-
Arosa e Barco repártense os puntos nun partido no que os locais mereceron máis (2-2)
Por Redacción |
-
Heroica resistencia do Arosa ao salvar un empate con oito xogadores no campo do Ourense CF (1-1)
Por Almu Dapena |
-
Un positivo no Ribadumia obriga a suspender o seu partido contra o Atios
Por Redacción |
-
Un gromo de covid-19 na UD Ourense obriga a suspender o partido contra o Arosa
Por Redacción |
-
Tres positivos por covid-19 no Arenteiro obrigan a suspender o partido contra o Arosa
Por Redacción |