O CW Galaico busca novos talentos coa organización da Festa do Waterpolo
Por Redacción
A Piscina de Campolongo acollerá o próximo sábado, día 21 de setembro, a celebración da Festa do Waterpolo, un evento co que o Club Waterpolo Galaico invita os nenos a probar sen compromiso esta disciplina deportiva.
A iniciativa, dirixida a nenos entre 7 e 12 anos, arrancará ás 17:30 horas e ata as 19:30 contará cunha serie de actividades e partidos tutelados polos adestradores do club, como o seu director técnico Javi de Sáa: "todo el que quiera probar va a tener su oportunidad. El objetivo es captar niños y niñas para nuestra escuela".
O único requisito para poder participar é saber nadar un mínimo de 50 metros sen axuda de material.
A inscrición, gratuíta, pode realizarse nas oficinas do Galaico en Ponte Muíños ou a través da web www.waterpolopontevedra.com.