Malestar no Pontevedra ante o silencio da RFEF, mentres o Guijuelo propón o mércores 20 para xogar en Pasarón
Por Diego Espiño
O aprazamento do partido de liga que debía enfrontar ao Pontevedra e ao Guijuelo no Estadio Municipal de Pasarón o pasado domingo 10 de xaneiro terminou en polémica ante o desacordo de ambos os clubs para recolocar a xornada perdida.
O Pontevedra apostaba por xogar canto antes, este mesmo mércores 13 ás 19.00 horas, pero ante o silencio federativo dáse por perdida esa data e resígnase a mirar cara ás próximas semanas para recolocar o choque.
"A día de hoxe ninguén nos chamou nin feito unha proposta por parte da RFEF", recoñecen desde o Pontevedra, para quen deixar pasar o tempo sen fixar o partido supón "unha adulteración da competición", defenden desde a planta nobre de Pasarón.
No club granate existe certo malestar pola situación, tendo en conta que outros compromisos de liga do grupo como o Ferrol-Salamanca ou o Zamora-Deportivo termináronse por disputar, e ante a imposibilidade de poñerse de acordo co Guijuelo prefiren que decida o Comité de Competición da Real Federación Española de Fútbol (RFEF).
O que está descartado é utilizar a data libre que se reserva o calendario da Segunda B, o 28 de febreiro.
Mentres tanto desde o Guijuelo falou este martes a súa directora xeral, Natalia González, concretamente no programa provincial de Deportes Cope, sinalando que "entiendo que en Pontevedra estén molestos por que no haya un acuerdo".
A directiva do cadro salmantino defendeu a posición da súa entidade afirmando que "cuando hay un aplazamiento nos tenemos que poner de acuerdo los dos clubes para ver lo mejor para cada uno. Obviamente ellos querrían ese día por cualquier interés que tendrían pero nosotros con la situación que veníamos sin entrenar viernes, sábado y domingo no veíamos conveniente poner el partido tan temprano".
Por iso trasladaron varias propostas á Federación, sendo "el próximo miércoles 20 lo más temprano",, confirma a directora xeral do club chacinero.
Relacionadas:
-
Competición fixa o partido aprazado entre Pontevedra e Guijuelo para o mércores 10 de febreiro
Por Diego Espiño |
-
Sen data para o partido aprazado tras decretar Sanidade o confinamento domiciliario do Guijuelo
Por Diego Espiño |
-
Desastroso partido dun Pontevedra que perde fronte ao Racing de Ferrol en inferioridade e entra en crise (0-1)
Por Diego Espiño & Cristina Saiz |
-
Pontevedra-Racing de Ferrol, un partido marcado en vermello no calendario
Por Diego Espiño |
-
Gañar o Racing de Ferrol, máis que 3 puntos para Jesús Ramos: "Sería un rival menos con el que pelear por lo mismo"
Por Diego Espiño |
-
Un gromo de Covid no Guijuelo mantén no aire a data do partido aprazado fronte ao Pontevedra
Por Diego Espiño |
-
Álex López asegura que para o Racing de Ferrol é "estimulante" tentar reverter a súa situación visitando Pasarón
Por Diego Espiño |
-
Charles e a súa sanción interminable
Por Diego Espiño |
-
A data do Pontevedra-Guijuelo, nas mans da RFEF
Por Diego Espiño |
-
O Pontevedra solicita xogar este mércores o partido aprazado co Guijuelo
Por Redacción |
-
O temporal de neve obriga a suspender o partido entre o Pontevedra e o Guijuelo
Por Almu Dapena |