Nova cita coa historia para o Poio Pescamar
Por Redacción
Poio Pescamar e Burela FS enfróntanse este sábado (12 horas) polo título da Supercopa de España. Poucos días despois de verse as caras na final da Copa da Raíña, as vermellas afrontan unha nova oportunidade de facer fincar o xeonllo a un equipo imbatible e que no último curso gañouno todo.
"Son as favoritas porque o ano pasado gañárono todo e este ano levan unha serie inmaculada. Ademais xogan na súa casa, haberá público e será todo delas. Parece que se dan todas as circunstancias ao seu favor, pero en deporte non sempre dous máis dous é igual a catro e levarémolas ao límite como xa fixemos na final de copa", asegura confiado nas súas posibilidades o adestrador do Poio Pescamar, Manuel Cossío.
O cadro conserveiro chega tamén nun bo momento de xogo. A eliminación na quenda de penaltis esta semana na Copa da Raíña está xa superada. "Tiñamos esperanzas nese torneo, pero foi dos nosos mellores partidos", consólase o preparador descartando calquera tipo de bajón anímino nas súas xogadoras como consecuencia da derrota.
Ganas e ilusión por facerse co triunfo non lles falta ás da Seca. "É unha cita histórica e unha oportunidade única de gañar un título", anima o técnico, que poderá contar con todas as súas xogadoras para o duelo deste sábado.
A expedición é consciente da dificultade de acabar coa imbatibilidade das lucenses. "Temos que gañar os duelos individuais, o balón parado vai ser determinante e temos que ser fortes en defensa. O obxectivo é aguantar ata os minutos finais e logo apertar", explica Cossío o seu plan de partido, consciente de que o rival chegará reforzado polas últimas vitorias e a recuperación de xogadoras como Peque.
Relacionadas:
-
O Burela sentencia na primeira metade e esperta o Poio Pescamar do seu soño na Supercopa (2-0)
Por Almu Dapena |
-
Caridad García, nomeada a mellor gardameta mundial de fútbol sala
Por Diego Espiño |
-
Adeus á Copa para o Poio Pescamar ao caer en penaltis fronte ao Ourense Envialia (3-3)
Por Diego Espiño & Mónica Patxot |
-
Disputar a Supercopa de España, un premio ao Poio Pescamar como subcampión da Copa da Raíña
Por Diego Espiño |
-
Un valente Poio Pescamar queda sen premio na final de Copa caendo pola mínima contra o Burela (1-0)
Por Diego Espiño |