O grupo de elite do tríatlon do CGTD concéntrase en Lanzarote
Por Manu Otero
O grupo de adestramento de tríatlon do CGTD, encabezado polo pentacampeón do mundo Javier Gómez Noya, pon rumbo a Lanzarote. O laureado deportista ten previsto aterrar alí o 6 de xaneiro xunto ao vigués Antonio Serrat para preparar as competicións previas aos Xogos Olímpicos. Uns días despois uniráselles o pontevedrés Pablo Dapena e logo o resto de integrantes do equipo de elite xunto aos adestradores Carlos David Prieto e Jonathan Cancela.
O centro de operacións do equipo pontevedrés, que permanecerá na illa, en principio, durante todo o mes de xaneiro, será o resort Sands Beach de Lanzarote.
O equipo aproveitará a súa estancia na illa para realizar intensas sesións de traballo físico e rodaxe polas estradas canarias. O obxectivo é preparar as próximas competicións da mellor forma posible, algo que o inverno galego complica polas baixas temperaturas e as choivas.
Non é a primeira vez que os triatletas do Centro Galego de Tecnificación Deportiva se concentran neste lugar. Xa o ano pasado permaneceron alí concentrados e o propio Dapena permaneceu na illa, primeiro cos seus compañeiros de Pontevedra e logo cos integrantes do seu equipo, durante todo o inverno e comezos da primavera.
Relacionadas:
-
O triatleta Antonio Serrat inicia este domingo en Yokohama a defensa do liderado das series mundiais
Por Manu Otero |
-
Dura competencia para Pablo Dapena no seu primeiro grande reto da tempada, o Challenge Miami
Por Diego Espiño |
-
O triatleta Antonio Serrat, repudiado por Estados Unidos, intégrase no grupo de elite do CGTD
Por Manu Otero |
-
Pontevedra repetirá en 2021 como sede do Nacional Sprint de tríatlon e queda sen o Pro Tour
Por Redacción |
-
A esixencia do sector ciclista castiga a un Gómez Noya que finaliza undécimo en Daytona
Por Diego Espiño |
-
Gómez Noya, preparado para o asalto a Daytona: "Aquí están moitos dos mellores do mundo, é emocionante"
Por Diego Espiño |