Irene Trabazo pecha a tempada exprés de ciclocrós en Galicia cun pleno de vitorias
Por Redacción
O calendario galego de ciclocrós botou o peche esta fin de semana coa celebración da quinta e última proba desta competición, exprés e marcada polas restricións da pandemia da covid-19, en Ferrol que volveu ter á marinense do XSM, Irene Trabazo, como principal protagonista.
A pesar da dureza da proba, cuxo inicio tivo que adiantarse unhas horas para salvar a chegada da borrasca, a corredora morracense dominou de principio a fin e, cun tempo de 45:58, logrou vestirse por primeira vez a camisola de campioa autonómica na categoría reina. Unha semana antes xa se subira todo o máis alto do podio como gañadora de todas as etapas da Copa Galicia, certificándose así a súa hexemonía no barro dos circuítos galegos.
Xiana Conde (Maceda) foi segunda clasificada, a 3:34 da marinense, e o terceiro chanzo do caixón ocupouno María Jesús Barros (Spol).
No cadro masculino, o triunfo foi Saúl López, tamén gañador da Copa Galicia, seguido por Daniel López e Jorge Punzón.
Nas categorías inferiores, brillou con luz propia o corredor do Poio Bike Héctor García. O cadete foi capaz de acabar co dominio de André Martínez e subirse todo o máis alto do podio xunto ao ciclista do Avanza e Tomás Pombo (3AG).
Relacionadas:
-
A Selección Galega de ciclocrós cólgase dez medallas no Campionato de España de Torrelavega
Por Redacción |
-
A campioa galega de ciclocrós, Irene Trabazo, busca estender o seu dominio ao Campionato de España
Por Manu Otero |
-
Irene Trabazo pecha a Copa Galicia de Ciclocrós con pleno de triunfos
Por Redacción |
-
Irene Trabazo exhíbese sobre o barro compostelán na terceira parada da Copa Galicia de Ciclocrós
Por Redacción |
-
Irene Trabazo logra o ouro na segunda proba de Copa Galicia de Ciclocrós disputada en Sanxenxo
Por Redacción |
-
A segunda etapa da Copa Galicia de Ciclocrós inaugura o circuíto sanxenxino de Nantes
Por Redacción |
-
A marinense Irene Trabazo faise co ouro na proba de Ciclocrós da Copa Galicia e Zoe del Río finaliza segundo
Por Redacción & Cristina Saiz |