Dous meses sen Adrián Cruz pola súa lesión nos abdutores
Por Diego Espiño
Non todo son boas noticias en Pontevedra Club de Fútbol, que tras a machada conseguida en Copa do Rei marcha de vacacións cunha novidade amarga, a gravidade da lesión de Adrián Cruz.
O centrocampista granate retirouse lesionado do último encontro de liga, fronte ao Coruxo, informando entón o club que Cruz arrastraba unha doenza muscular nos abdutores da súa perna esquerda.
As sensacións non eran positivas, e as probas ás que foi sometido nos últimos días o de Moaña confirmaron os malos presaxios, e é que estará preto de dous meses afastado dos terreos de xogo.
Segundo confirmou o Pontevedra, Adrián Cruz sofre unha "lesión na inserción de abdutor maior con retracción", cun tempo estimado de recuperación de 8 semanas sempre que se cumpran os prazos previstos. De ser así, a pesar de coincidir co parón de Nadal, o canteirán perdería a competición prevista para todo o mes de xaneiro e polo menos a metade de febreiro, ou o que é o mesmo os encontros ante Cádiz na Copa do Rei xunto aos de Guijuelo, Ferrol, Unionistas, Celta B e Zamora en liga.
Todo un problema para Jesús Ramos, se se ten en conta que a súa ausencia únese á de Romay, lesionado de gravidade, deixando con poucos efectivos a zona medular do equipo.
Relacionadas:
-
O Pontevedra retoma a liga reforzado no mental, no deportivo e sen resaca pola Copa
Por Manu Otero |
-
O Pontevedra inicia a súa particular 'costa de xaneiro'
Por Diego Espiño |
-
O Pontevedra volve ao traballo á espera dun mediocentro "versátil" que substitúa a Romay
Por Manu Otero |
-
A fichaxe dun mediocentro, de opción a necesidade para o Pontevedra
Por Diego Espiño |
-
O Pontevedra-Cádiz de Copa do Rei xa ten data: xoves 7 de xaneiro
Por Redacción |
-
O Pontevedra marcha de vacacións e comerá o turrón en postos de play-off
Por Almu Dapena |
-
Pontevedra-Cádiz na segunda rolda da Copa do Rei
Por Redacción |
-
Unha PlayStation 5, 'peaxe' de Charles por gañarlle ao Cartagena
Por Diego Espiño |
-
Un enorme Pontevedra elimina o Cartagena da Copa do Rei (2-1)
Por Ramiro Espiño & Mónica Patxot |
-
Romay, intervido "sen complicacións" da rotura do ligamento cruzado no seu xeonllo
Por Redacción |
-
Unha lesión no abdutor deixa sen Copa do Rei a Adrián Cruz
Por Diego Espiño |