Pontevedra-Cádiz na segunda rolda da Copa do Rei
Por Redacción
Caprichos do destino. O Pontevedra Club de Fútbol xa coñece cal será o seu rival na segunda rolda da Copa do Rei, tras deixar na cuneta este xoves na eliminatoria inicial o Cartagena da Segunda División, e terá de vingar a eliminación dun veciño e club amigo, o Ribadumia.
Segundo estableceu o sorteo celebrado este venres na sede da Real Federación Española de Fútbol, os granates recibirán o Cádiz CF, equipo revelación esta campaña na Primeira División tras superar, entre outros, a Barcelona e Real Madrid e que vén de gañar o Ribadumia na Senra por 0-2.
Desta forma o cadro andaluz repetirá visita ás Rías Baixas, esta vez ao Estadio Municipal de Pasarón, nun cruzamento que se resolverá a partido único no principio do ano (5, 6 ou 7 de xaneiro).
Só 16 equipos da categoría de bronce dos 23 clasificados quedaron emparellados con clubs de Primeira División, o resto fixérono contra conxuntos de Segunda División. Un deles será un Pontevedra que tivo que esperar á penúltima bóla dos equipos da máxima categoría para coñecer rival. Unha antes saíra o desexado por moitos, o Atlético de Madrid.
Relacionadas:
-
O Pontevedra rende homenaxe ao espírito do Hai que Roelo para despedirse da Copa con honras (0-0)
Por Manu Otero & Mónica Patxot |
-
O Pontevedra-Cádiz de Copa do Rei xa ten data: xoves 7 de xaneiro
Por Redacción |
-
Dous meses sen Adrián Cruz pola súa lesión nos abdutores
Por Diego Espiño |
-
Unha PlayStation 5, 'peaxe' de Charles por gañarlle ao Cartagena
Por Diego Espiño |
-
Un enorme Pontevedra elimina o Cartagena da Copa do Rei (2-1)
Por Ramiro Espiño & Mónica Patxot |