Preocupante lesión de xeonllo de Romay no adestramento do Pontevedra
Por Diego Espiño
Romay fixo saltar as alarmas no Pontevedra Club de Fútbol despois de sufrir este mércores unha preocupante lesión de xeonllo.
O centrocampista coruñés retirouse anticipadamente do adestramento dos granates despois de sufrir unha "torsión aguda do xeonllo dereito" en plena carreira e sen que se producise contacto con algún compañeiro, segundo confirma a entidade pontevedresa.
Tras unha primeira exploración os servizos médicos do Pontevedra diagnosticaron unha "escordadura de xeonllo de alto grao con afectación ligamentosa", aínda que pendente de coñecer o grao exacto da doenza.
O futbolista, que acaba de recuperarse dunha lesión muscular leve, someterase nos próximos días a unha resonancia magnética para determinar con detalle a lesión, aínda que existe o temor de que se trate dun problema físico que lle manteña afastado dos terreos de xogo durante un período considerable.
Ante esta situación, como é de supoñer, Romay causará baixa para o derbi do próximo sábado 5 de decembro fronte ao Deportivo.
Relacionadas:
-
Romay, intervido "sen complicacións" da rotura do ligamento cruzado no seu xeonllo
Por Redacción |
-
Romay pasará polo quirófano a próxima semana
Por Diego Espiño |
-
Romay di adeus á tempada ao confirmarse a rotura do cruzado: "Toca recuperarme y animar desde fuera"
Por Diego Espiño |
-
Ramos convoca a todo o plantel a excepción do lesionado Romay para a visita do Deportivo
Por Diego Espiño |
-
A Xunta autoriza a ampliación de aforo do Pontevedra-Deportivo a 500 espectadores
Por Diego Espiño | Creada e actualizada
-
O Dépor quere dar "un pequeno golpe encima da mesa" gañando en Pasarón
Por Manu Otero |
-
O Deportivo prepara a súa visita a Pasarón con tres futbolistas á marxe do grupo
Por Redacción |
-
Churre avisa ao Deportivo: "Imos competir con eles ata o final de tempada"
Por Diego Espiño |
-
Un partido de liga entre Pontevedra e Deportivo en Pasarón case 40 anos despois
Por Diego Espiño |
-
Un Pontevedra de dúas caras salva un punto en San Lázaro (2-2)
Por Manu Otero |