Unha medalla de bronce para Manuel Brea premia o esforzo do Ravachol nos campionatos de España de bádminton
Por Redacción
O Club Bádminton Ravachol Pontevedra sobrepúxose unha semana máis ás dificultades de tan atípica tempada para participar no Campionato de España Absoluto disputado en Huelva e no Campionato de España Sub-17 en Villanueva de la Vera, Cáceres.
"Está a resultar unha auténtica odisea saír a competir cada fin de semana sen apenas poder adestrar, levamos disputados catro Campionatos de España e cinco autonómicos sen dispoñer de instalacións e así é imposible pedir máis. Á marxe dos deportistas que temos bolseiros no CGTD, que están a adestrar con normalidade, non temos posibilidades de facer adestramentos en pista máis aló de improvisacións ou favores puntuais. Perdemos varias oportunidades enormes de traer medallas nacionais a Pontevedra debido a esta situación e iso nos entristece moito", recoñece sobre a situación o director deportivo do equipo pontevedrés, Jesús Pereiro.
A pesar diso a fin de semana adornouse cunha medalla nacional, o bronce conseguido en categoría absoluta por Manuel Brea, formando parella en dobres co asturiano Alberto Zapico.
Pola súa banda Raquel Miguens e Martín Barbado quedaron ás portas das medallas en dobres feminino e dobres masculino respectivamente, caendo en cuartos de final.
En canto á competición Sub-17 Natalia Murio foi a representante pontevedresa, partindo como cabeza de serie no dobres mixto. Con todo, a parella non conseguiu pasar dos cuartos de final.
Relacionadas:
-
Lete Lasa destaca o gran nivel do bádminton galego na súa recepción en Pontevedra aos campións de España
Por Redacción |
-
O Bádminton Ravachol refórzase coa fichaxe da asturiana Elena Fernández
Por Redacción |
-
O Bádminton Ravachol pecha a súa participación nos campionatos nacionais individuais
Por Redacción |
-
O Bádminton Ravachol brilla no autonómico absoluto
Por Redacción |
-
O Ravachol estrea unha furgoneta adquirida a través dunha subvención da Xunta
Por Redacción |
-
O Ravachol planta cara o Arjonilla pero termina perdendo (5-2)
Por Redacción |
-
O Bádminton Pontevedra téntao pero non pode co invicto Pitius (3-4)
Por Redacción |
-
Miguens e Rey bañan en ouro ao Bádminton Ravachol no autonómico de Viveiro
Por Redacción |