O líder Arosa vence ao Atios con gol de Pedro Beda (1-0) e o Ribadumia suma unha nova derrota tras caer fronte ao Barco (2-0)
Por Redacción & Cristina Saiz
O Arosa segue á fronte do subgrupo B de Terceira División tras gañar este domingo ao recentemente ascendido Atios. O campo da Lomba abriu as súas portas unha semana máis para acoller a sétima xornada da liga, onde líderes e sétimo clasificado víronse as caras.
Como vén sendo habitual, o gol da vitoria para o conxunto arlequinado anotouno Pedro Beda. Rober centrou desde o lateral dereito a dentro da área e, aproveitando un erro defensivo de Javi, mandou o balón á rede para anotar o único tanto do encontro.
Aínda que o Atios deu guerra ata o minuto 90, foi o Arosa o que saíu vitorioso grazas ao tanto no minuto 42.
Consulta a acta do Arosa-Atios
Pola súa banda, o Ribadumia acudiu repleto de baixas á súa cita co Barco. Aínda que comezaron a tempada ao grande, aos poucos fóronse desinflando ata tal punto de non ver a vitoria desde o segundo partido de liga.
Buscando os tres puntos saltaron ao campo de Cabalgueiros. En fronte, un Barco chamado a acabar entre os tres primeiros puntos e que chegaba á cita gañando os dous últimos duelos (Pontellas e Rápido de Bouzas).
Costa arriba púxose o partido para o Ribadumia, que viu como o seu rival adiantábase nada máis comezar o encontro. Pacheco enviaba á rede o esférico e poñía aos locais co marcador de fronte e con todo o encontro por diante (min. 2).
Fixeron o que puideron os de Luís Carro para buscar a igualada, pero foi o Barco o que golpeou de novo. 10 minutos despois, Juanito Bazo fixo máis grande a ferida nun Ribadumia que tiña que pelexar se quería lograr a vitoria.
Co 2-0 chegouse ao descanso e, aínda que os aurinegros pelexaron por recortar distancias, non foron capaces.
Con este resultado o Ribadumia mantense na 9 posición, seguido do Rápido de Bouzas, Ourense CF e Pontellas.
Consulta a acta do Barco-Ribadumia
Relacionadas:
-
Empate sen goles no derbi entre Arosa e Ribadumia
Por Almu Dapena & Cristina Saiz |
-
O Ribadumia gaña en Bouzas para subir á cuarta praza e o Arosa supera o Estradense
Por Redacción |
-
Solidez de líder do Arosa para vencer en Bouzas e sufrido triunfo do Ribadumia fronte ao Pontellas
Por Redacción |
-
Un dobrete de Pedro Beda dá a vitoria ao Arosa ante o Pontellas (0-2) e a UD Ourense reparte os puntos co Ribadumia (2-2)
Por Redacción |
-
O Ribadumia cae goleado ante o Alondras (4-0) e o Arosa cede os tres puntos ante o Choco (1-2)
Por Redacción |
-
O Arosa sofre pero vence o Barco para colocarse líder de Terceira (0-2)
Por Redacción |
-
Remontada do Arosa fronte ao Ourense para sumar tres puntos máis (2-1) e o Ribadumia cae pola mínima na súa visita ao Atios (1-0)
Por Almu Dapena |