Pablo Carnero, novo xogador do Pontevedra ata final de tempada
Por Ramiro Espiño
O Pontevedra Club de Fútbol xa ten o dianteiro que buscaba para reforzar o seu ataque cun xogador de envergadura.
Segundo informa o club granate Pablo Carnero, de 25 anos e 1,90 de estatura, comprometeuse co Pontevedra ata final de tempada tras quedar desvinculado do Salamanca Athletic, equipo que ía substituír á desaparecida Unión Deportiva Salamanca en Segunda B pero que finalmente non foi aceptado na competición.
Carnero pasou nos últimos anos por equipos como Real Madrid C, Real Oviedo B, Real Oviedo e Marino de Luanco, antes de volver á súa cidade natal, Vigo, onde disputou a última tempada en Terceira División co Rápido de Bouzas.
A contratación de Pablo Carnero obriga o Pontevedra a efectuar movementos no seu equipo actual, na que terá que dar de baixa un dos xogadores maiores de 23 anos. O dianteiro adestrou xa na tarde do mércores co equipo, e en función do seu estado físico, o técnico Nando e o director deportivo, Milo Abelleira, deberán decidir nos próximos días que xogador deixará a disciplina do equipo, e se esa baixa se producirá xa esta mesma semana ou na próxima.
Ao termo deste primeiro adestramento, Carnero explicaba as razóns que o empurraron a asinar polo Pontevedra: "Pues que estoy cerca de casa y que el Pontevedra es un gran club, con mucha historia, y que parte como el máximo favorito a ascender o a quedar primero este año. Se me dio la posibilidad y vengo con muchas ganas de afrontar este reto".
O xogador é conciente da presión que supón xogar en Pasarón e, tras frustrarse o proxecto do Salamanca Athletic Club, non considera que xogar en Terceira División sexa un paso atrás: "Para nada es un paso atrás. Repito que el Pontevedra en un gran club y si hacemos un buen año puede ser un salto importante para todos. El reto es ganar partido a partido, lo primero, cada fin de semana salir a tope y ganar los partidos como sea. Si, me dijeron que Pasarón es un campo exigente, pero no es un problema. Conozco a la gran mayoría de la plantilla. Mis virtudes, pues creo que voy bien de cabeza y soy bastante técnico y capaz de meter pases al hueco a mis compañeros, creo que soy un delantero completo".