Unha penalización deixa a Gómez Noya sen opcións de triunfo na Copa de Europa de Barcelona
![Almu](/web/cache/scene/uploads/xornalistas/foto/ea8/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5e90aef8d7-_noc0208.jpg)
Por Almu Dapena
Barcelona acolleu este domingo unha proba da Copa de Europa de Tríatlon en distancia de sprint. Javier Gómez Noya, que era un dos favoritos para colgarse a medalla de ouro, logrou un segundo posto tras alcanzar a meta despois do noruegués Kristian Blummenfelt.
A competición comezou ao redor das 9:00 horas coa proba feminina e, unha vez que finalizou, chegou a quenda do pentacampión do mundo en modalidade olímpica. Por diante, 750 metros de natación na praia Mar Bella, catro voltas de 5 quilómetros no tramo ciclista e dúas voltas de 2,5 quilómetros na carreira a pé.
O primeiro en completar a proba acuática foi Mateus Gluszkowski, seguido moi de preto por un grupo encabezado por Gómez Noya.
Chegaba o momento de subirse á bicicleta e dar catro voltas ao circuíto da cidade condal. O triatleta pontevedrés, xunto con Blummenfelt, foron os primeiros en chegar á T2 con 40 segundos de vantaxe sobre os seus perseguidores, con Roberto Sánchez e Genis Grau na cabeza.
Tocaba a carreira a pé e o noruegués logrou marchar en solitario, logrando a vitoria nun tempo de 53:53. Gómez Noya quedou sen opcións á vitoria tras ser penalizado na segunda transición a ter que parar 15 segundos no Penalti Box. Aínda así chegou segundo (54:06), por diante de Gustav Iden (54:26) que foi terceiro.
Relacionadas:
-
Gómez Noya ficha pola Ximnástica para preparar os Xogos Olímpicos de Tokio
Por Almu Dapena |
-
Gómez Noya elixe México para adaptarse á "calor extrema" que espera nos Xogos de Tokyo
Por Redacción |
-
A esixencia do sector ciclista castiga a un Gómez Noya que finaliza undécimo en Daytona
Por Diego Espiño |
-
Gómez Noya, preparado para o asalto a Daytona: "Aquí están moitos dos mellores do mundo, é emocionante"
Por Diego Espiño |
-
Gómez Noya coróase no Campionato de España de Media Distancia de Bilbao
Por Almu Dapena |
-
Gómez Noya, coa vista posta no Nacional de Media Distancia de Bilbao tras vencer en Santander
Por Manu Otero |
-
Dobrete europeo de Gómez Noya: cuarto no Gran Prix de Francia e bronce na SuperLeague de Róterdan
Por Redacción |