David Chapela decide deixar o balonmán tras o confinamento do Cisne: "Non podo volver pasar por isto"
Por Diego Espiño
Contratempo para o Club Cisne Balonmán, que queda sen un dos seus xogadores de referencia debido á incidencia da pandemia.
David Chapela decidiu abandonar a práctica do balonmán e así llo comunicou á entidade pontevedresa, debido ás consecuencias que o confinamento actual do equipo está a ter sobre a súa actividade laboral fóra das pistas de xogo.
"Este ano seguín un pouco polo Cisne e polo debut en Asobal, porque xa o tiña máis complicado polo traballo. Era un esforzo para cumprir un soño, pero agora coa Covid estou a ver que é unha situación inviable por moito que me amole", explicou o xogador a PontevedraViva.
David Chapela: "Coa Covid estou a ver que é unha situación inviable por moito que me amole"
Trátase, asegura de "unha decisión moi difícil para min e tamén é un golpe duro para o Cisne", ao que agradece o seu trato e comprensión: "Téñolles que dar as grazas por verme antes como persoa e como amigo que como xogador", sinalou.
A retirada de Chapela "é definitiva", asegura, aínda que prefire deixar unha porta aberta só para un Cisne no que continúan todos os seus amigos: "Está claro que se volvo xogar é para o Cisne, non habería outra opción".
A decisión non colleu por sorpresa ao club pontevedrés, que este ano afronta a súa estrea na Liga Asobal, e é que o central actúa consecuentemente ao trasladado aos responsables do equipo cando decidiu non xogar o partido ante Anaitasuna por precaución.
"Estaba algo asustado vendo o que estaba a pasar, sabías que podía tocar o confinamento e ao final tocoume e acaba de ser un golpe tremendo para min con respecto ao meu traballo. Non podo volver pasar por isto, é algo que moi ao meu pesar non me podo permitir", conclúe un David Chapela que, do mesmo xeito que os seus compañeiros, espera cumprir os últimos días de illamento marcados por Sanidade tras o positivo dun xogador do equipo e os casos do seu último rival, o Cuenca, para recuperar canto antes a normalidade.
Relacionadas:
-
David Chapela regresa a un Cisne arrasado polas lesións
Por Manu Otero |
-
O internacional Oleksandr Nekrushet incorpórase ao Cisne como substituto de David Chapela
Por Redacción |
-
David Chapela despídese do Cisne nun vídeo para a afección
Por Redacción |
-
O Cisne rexistra un novo positivo o día no que o equipo volve aos adestramentos
Por Manu Otero |
-
O Cisne ve a luz ao final do túnel: 16 probas negativas e volta aos adestramentos o luns 26
Por Diego Espiño |
-
Seguen subindo os positivos por Covid no Cisne, con 6 contaxiados e aínda 8 probas por realizar
Por Redacción |
-
Os contaxios por Covid no Cisne ascenden xa a 4 con medio equipo á espera dos resultados das súas PCR
Por Diego Espiño |
-
Dous novos positivos por Covid no Cisne despois de 12 días de confinamento
Por Diego Espiño | Creada e actualizada
-
Ascenden a 16 os positivos por Covid-19 no Balonmano Ciudad Encantada despois de xogar en Pontevedra
Por Diego Espiño |
-
Jabato, sobre o uso de máscaras no balonmán tras o positivo en COVID do xogador do Cisne: "no es una opción"
Por Almu Dapena |
-
Alarma no Cisne polo positivo en COVID dun dos seus xogadores
Por Almu Dapena |
-
Suspendido o Logroño-Cisne polo confinamento do equipo pontevedrés e no aire a seguinte xornada por 17 positivos en COVID no Nava
Por Diego Espiño |
-
Inquietude no Cisne polos síntomas compatibles con COVID de varios xogadores do Cuenca tras xogar en Pontevedra
Por Diego Espiño |
-
Axentes da Policía Local tentaron parar o Cisne-Cuenca ao entender que non se podía celebrar con público
Por Diego Espiño |
-
Un Cisne de dúas caras queda ao bordo da remontada fronte ao Cuenca (29-32)
Por Diego Espiño & Mónica Patxot |