Vitoria sufrida do Arxil na súa estrea ligueira ante o Maristas Coruña (67-73)
Por Almu Dapena
Tardou en chegar pero por fin o Club Baloncesto Arxil estreouse, e con vitoria, na nova tempada de Liga Feminina 2 despois do aprazamento da primeira xornada.
O conxunto dirixido por Mayte Méndez desprazouse a Coruña para enfrontarse ao Maristas nun partido que deu comezo ás 20:30 horas do sábado.
O duelo comezou costa arriba para o Arxil, que se atopou cun parcial de 8-0 aos catro minutos disputados. Con todo, despois de que Forster abrise a lata desde o lanzamento de tiros libres, as de verde sumáronse ao carro para reducir distancias cun triplo de Carla Díaz que poñía o 8-5 no marcador para devolver ás súas no partido de tal maneira que, ao chegar á recta final do primeiro cuarto, puxéronse por diante por primeira vez cunha diferenza de cinco puntos (18-23).
O reforzo do Arxil para esta tempada, a pivote Bineta Ndoye, anotou para aumentar a vantaxe (19-25), pero un tiro de tres e outro de dous por parte do Maristas, volveron apertar o partido (24-25) e, aproveitando os erros nos tiros do rival, deron a volta ao partido a falta de 5 minutos de chegar ao descanso (28-27).
Parecía que as de Pontevedra igualarían pero todo o contrario. as de Coruña pisaron o acelerador para irse cunha diferenza de 6 puntos que quedou reducida a tras o acerto de Forster, que puxo o 37-33 co que finalizou o segundo cuarto.
Tras o paso polo vestiario a igualdade continuou. Aínda que o Maristas anotou o lanzamento desde a liña de 3 nada máis comezar o terceiro cuarto, o Arxil seguiu co amorne tranquilo para continuar recortando diferenzas ata que conseguiu igualar a contenda grazas á boa actuación de Sara Castro (10 puntos) e Forster e Cristina Díaz (8 puntos cada unha).
Quedaban cinco minutos e a igualdade estaba servida. O Arxil púxose por diante despois de que Sara Castro anotase dous tiros libres (45-46), pero as de Coruña fixeron o propio para anotar de novo e irse nun máximo de sete puntos, reducidos de novo polo Arxil antes de chegar á recta final do encontro (56-53).
Co último cuarto chegaron os mellores minutos das pupilas de Mayte Méndez, que venceron ao cansazo e ao seu rival para dar a volta ao partido e regresar ao xogo que demostraran ao comezo.
O Maristas anotou o lanzamento de tres, pero as de Pontevera meteron turbo para realizar un parcial de 0-8. Noelia Masía respondía anotando de dous, roubando o balón no ataque do rival e volvendo anotar para poñer o 59-57 no marcador. Acto seguido, Sara Castro lograba, igual que a súa compañeira, catro puntos seguidos, poñendo ao Arxil por diante cando máis o necesitaba. Castro (15 puntos) pasou de anotadora a asistente dando un balón a Masía, que anotou dobre (9 puntos) para poñer o 59-65 no luminoso.
As locais pediron tempo morto e trataron de facer dano coa efectividade no lanzamento desde a liña de tres de Tatiana Casal (5/6 en tiros de tres), que reducía unha diferenza que de novo facíase maior. O Arxil continuaba anotando mantendo o pequeno colchón que lles daba a vitoria a condición de que fosen capaces de aguantalo os dous minutos que quedaban para a conclusión. Con moito sufrimento, finalmente conseguiron poñer o 67-73 co que se chegou ao final, logrando a primeira vitoria esta tempada.
Consulta as estatísticas do partido Maristas Coruña- CB Arxil na seguinte ligazón.
Relacionadas:
-
Suspendido por segunda xornada consecutiva o partido de liga do Arxil, por un positivo no seu rival
Por Redacción |
-
O Arxil planta cara ao líder na primeira parte pero derrúbase na segunda (53-93)
Por Manu Otero |
-
O Arxil retoma a competición decidido a baixar da nube o Baxi Ferrol
Por Redacción |
-
Suspendido o partido da Liga Feminina 2 entre Rosalía e Arxil pola corentena de catro xogadoras santiaguesas
Por Diego Espiño |
-
O Arxil planta cara ante o Celta pero remata caendo por 62-67
Por Almu Dapena & Cristina Saiz |
-
O derbi ante o Celta, toda unha reválida para o Arxil
Por Redacción |
-
O Arxil supera sen positivos os test de COVID previos ao comezo da Liga Feminina 2
Por Redacción |
-
O Arxil recibe os test de COVID que aseguran poder empezar a liga o 10 de outubro
Por Redacción |
-
O Arxil, listo para unha tempada na Liga Feminina 2 na que "cada partido tiene que ser como una final"
Por Diego Espiño |