O Arxil recibe os test de COVID que aseguran poder empezar a liga o 10 de outubro
Por Redacción
O problema que obrigou a aprazar a primeira xornada da Liga Feminina 2 de baloncesto parece solucionado.
A Federación Española de Baloncesto (FEB) decidiu pospoñer unha semana o inicio da competición, previsto para este sábado 3 de outubro, ante os problemas de subministración que impedían aos clubs contar cos test de COVID que deben realizar antes de cada xornada coa previsión necesaria.
Durante as tres primeiras xornadas é o propia FEB a que custea estas probas, que serán realizadas polos seus servizos médicos.
Tal era o atraso cos test que o Club Baloncesto Arxil tiña previsto realizalos este mesmo venres, a 24 horas do seu debut en liga en lugar das 72 horas que esixe o protocolo.
Agora, o club pontevedrés confirmou a recepción das probas de detección de COVID, o que asegura poder cumprir coa normativa para a segunda xornada de liga, a que o sábado 10 de outubro enfrontará no seu caso a domicilio ao Arxil co Maristas Coruña.
En canto ao duelo aprazado fronte ao Baxi Ferrol, ambos os dous clubs iniciou os contactos para poder xogar o encontro antes de que conclúa o mes de outubro.
Relacionadas:
-
Vitoria sufrida do Arxil na súa estrea ligueira ante o Maristas Coruña (67-73)
Por Almu Dapena |
-
O Arxil supera sen positivos os test de COVID previos ao comezo da Liga Feminina 2
Por Redacción |
-
Suspendida a primeira xornada da Liga Feminina 2 de baloncesto "ante a falta de garantías sanitarias"
Por Diego Espiño |
-
O Arxil, listo para unha tempada na Liga Feminina 2 na que "cada partido tiene que ser como una final"
Por Diego Espiño |
-
Vitoria arroiadora do Arxil fronte ao Cortegada no segundo partido de Copa Galicia (62-38)
Por Mónica Patxot & Almu Dapena |
-
Derrota do Arxil en Vigo no seu primeiro partido de Copa Galicia e da pretempada (64-59)
Por Redacción |