O Ciudad de Pontevedra leva o trofeo Entre Pontes
Por Redacción & Mónica Patxot
O peirao das Corbaceiras encheuse de piraguas para celebrar a terceira edición da regata Entre Pontes na que competiron padeeiras de categoría cadete, xuvenil, sénior e veterano, nas modalidades K1, K2, C1 e C2.
A competición, que cada ano organiza a EP Ciudad de Pontevedra, bateu novos récords a pesar da pandemia. Baixo estritas medidas de seguridade, un total de 605 padeeiros de 45 equipos concentráronse a partir das 10:00 horas do sábado para completar os preto de 7.000 metros de percorrido entre a ponte da AP-9 e o do Burgo.
A clasificación xeral por equipos encabezouna o conxunto anfitrión, o E.P. Ciudad de Pontevedra con 2248 puntos, mentres que a segunda posición foi para o Club Naval de Pontevedra (1522 puntos) e a terceira para Club Náutico Pontecesures (1335 puntos).
En canto á clasificacións individuais ou por parellas, a dupla formada por Jesús Rodríguez e Miguel Fernández do Fluvial O Barco levou o triunfo en K2 sénior masculino, a parella do Naval de Pontevedra formada por Breogán Monteagudo e Pablo García lograron o segundo posto, e o terceiro ocupárono Daniel Rodríguez e Javier Rodríguez do Cidade de Lugo.
No K2 sénior feminino as primeiras clasificadas foron Lucía Valiña e Carmen Villar do Kaiak Tudense, seguidas por Raquel Rodríguez e Sara Durán do Confraría Pescadores Portonovo. Pola súa banda, a terceira posición foi para Fátima Ordóñez e Antía Santiago, do As Torres Romaría Vikinga.
Na modalidade dobre de canoa masculina, o podio completárono Ramón Ferro xunto a Manuel Fontán do O Muiño, os padeeiros do E.P. Ciudad de Pontevedra Álvaro López e Jaime Duro, e Jesús Montoto e Ángel Fuego do Piragüismo Poio. En feminina, a parella formada por María Pérez e Carla Sieiro impúxose en C2 ás súas perseguidoras, as irmás Xoana e Rosalía García do As Torres e á embarcación de Isabel Noya e Nerea Gondar do Piragüismo Poio.
O triunfo no K1 sénior masculino foi para Jaime Sobrado do Piragüismo Olívico, seguido de Joaquín Iglesias do Piragüismo Verducido e Iván Domínguez do Confraría Pescadores Portonovo. Tania Álvarez do Breogán foi a primeira en K1 sénior feminino, segunda chegou María do Palacio do Piragüismo Olívico e Sablea Castro do Cidade de Lugo foi terceira.
Tono Campos, do Breogán, levou a medalla de Ouro en C1 sénior, segundo terminou Fernando Busto, do Piragüismo As Torres e terceiro, Sergio Vallejo, do Piragüismo Poio.