Derrota do Arxil en Vigo no seu primeiro partido de Copa Galicia e da pretempada (64-59)
Por Redacción
O Club Baloncesto Arxil reencontrouse a última hora do martes coa agradable sensación da competición, despois de moitos meses sen poder disputar ningún encontro.
O conxunto pontevedrés visitou o Celta Zorka no pavillón vigués de Navia na primeira xornada da fase previa da Copa Galicia de baloncesto, e no que era tamén o seu primeiro choque de preparación esta pretempada.
A pesar da falta de ritmo e a derrota final (64-59), o certo é que as sensacións das de Mayte Méndez foron positivas, competindo ata os minutos finais cun dos equipos chamados a pelexar polas prazas de play-off como é o Celta.
A igualdade foi a tónica do inicio do partido, cun primeiro cuarto que levou o Arxil cun apertado 19-20. O Celta pola súa banda recuperou o mando no segundo parcial para dominar o electrónico ao descanso (35-30).
Con todo a loita de poder a poder prolongouse a un terceiro cuarto que concluíu en táboas (50-50), deixando todo para os últimos 10 minutos. Nese tramo final o Celta demostrou un punto máis de frescura para terminar decidindo o encontro ao seu favor.
A próxima cita do Arxil na Copa Galicia e na súa pretempada, que xa entra na recta final, será fronte ao Cortegada de Vilagarcía.
Non puido ser, un partido igualado que se decantou no último cuarto, o celta levase o primero amigable da pretempada. #COPAGALICIA#FAMILIAVERDE#estaestugrada https://t.co/NUje4ghUES
— CB Arxil (@ArxilCb) September 22, 2020
Relacionadas:
-
O Arxil recibe os test de COVID que aseguran poder empezar a liga o 10 de outubro
Por Redacción |
-
Suspendida a primeira xornada da Liga Feminina 2 de baloncesto "ante a falta de garantías sanitarias"
Por Diego Espiño |
-
O Arxil, listo para unha tempada na Liga Feminina 2 na que "cada partido tiene que ser como una final"
Por Diego Espiño |
-
Vitoria arroiadora do Arxil fronte ao Cortegada no segundo partido de Copa Galicia (62-38)
Por Mónica Patxot & Almu Dapena |
-
O Arxil debuta este martes en Copa Galicia diante do Celta Zorka
Por Redacción |
-
A Federación esixe test de Covid semanais aos equipos de Liga Feminina 2
Por Redacción |
-
Aprazadas as dúas primeiras xornadas da Primeira Nacional de baloncesto feminino para Peixe Galego e Arxil
Por Redacción |
-
O Arxil 'traslada' a súa pretempada ao Lago de Castiñeiras
Por Redacción |
-
O Arxil, pendente da Copa Galicia para planificar a parte final da súa pretempada
Por Redacción |
-
O Arxil presenta o seu novo arsenal para asaltar o playoff
Por Manu Otero |