A Federación e o Concello deciden que "non é o mellor momento" para celebrar o Campionato Gallego de Tríatlon
Por Redacción
Pontevedra non acollerá finalmente o Campionato Galego de Tríatlon deste ano, debido ás restricións impostas na cidade con motivo do empeoramento da situación sanitaria.
A cidade ía ser sede do campionato o próximo 26 de setembro, coa XX edición do Tríatlon Cidade de Pontevedra, pero despois de valorar as distintas posibilidades existentes e á vista da evolución da pandemia a Federación Galega de Tríatlon e o Concello de Pontevedra acordaron que "non é o mellor momento para celebrar o campionato", confirmaron desde a administración local.
Segundo sinala o edil de Deportes, Tino Fernández, a decisión foi adoptada tras unha reunión mantida por responsables de ambas as dúas entidades, na que concluíron que Pontevedra "non pode garantir a celebración da proba coas condicións necesarias, a pesar da enorme colaboración e irmandade existentes entre a Federación Galega e esta cidade tan identificada co deporte do tríatlon".
Ambos lembraron o traballo realizado e a colaboración que permitiu celebrar recentemente o Campionato de España Sprint de tríatlon na cidade cun minucioso protocolo que "determina uns mínimos na loxística necesaria para garantir, fundamentalmente, a seguridade dos participantes e os niveis de calidade, que neste caso fano inviable".
Actualmente as restricións impostas na cidade debido á evolución da pandemia fai que "non se reúnan as condicións necesarias para conxugar os valores de Pontevedra co tríatlon, coa seguridade e a protección da saúde de todas as persoas implicadas no deporte: seareiros, deportistas, xuíces, directivos, voluntarios…", completou Tino Fernández.
Relacionadas:
-
Pontevedra repetirá en 2021 como sede do Nacional Sprint de tríatlon e queda sen o Pro Tour
Por Redacción |
-
Pontevedra repite presenza en 2021 no calendario nacional de tríatlon
Por Redacción |
-
A FETRI poñerá a Pontevedra como exemplo para a organización competicións masivas ao aire libre
Por Redacción |
-
Anna Godoy arrasa no Nacional Sprint de Tríatlon
Por Almu Dapena & Cristina Saiz |
-
Fernando Alarza cólgase o ouro no Campionato de España Sprint de Tríatlon
Por Almu Dapena & Cristina Saiz |
-
Remata a primeira xornada do Campionato de España Sprint de Tríatlon marcado polo Covid
Por Cristina Saiz & Almu Dapena |
-
O Campionato de España Sprint de Tríatlon pasa a ser contrarreloxo en categoría elite polas restricións do Covid
Por Diego Espiño |