Aprobado o protocolo do Consello Superior de Deportes que regula a actividade do deporte non profesional
Por Redacción
O inicio da competición está máis preto para os equipos da comarca que participan en ligas non profesionais de ámbito estatal, como pode ser a Segunda B e Terceira de fútbol, a División de Honra Prata de Balonmán, a Primeira División de Fútbol sala ou a Liga Feminina 2 de baloncesto, entre outras.
Polo menos equipos da comarca como o Pontevedra, Poio Pescamar, Teucro, Arxil ou Leis, por poñer algúns exemplos, xa saben ao que deberán aterse ao longo do curso para poder competir.
O Consello Superior de Deportes (CSD) publicou a última hora do xoves o protocolo que rexerá estas competicións, con directrices de obrigado cumprimento e diversas recomendacións.
Entre os aspectos destacados explícase as medidas de prevención de seguridade e hixiene que se deberán seguir, sumando ás habituais recomendacións de uso de máscara, limpeza e desinfección, outras normas para adestramentos, partidos e desprazamentos.
A nivel competición por exemplo os deportistas deberán eludir saúdos e mostras de afecto con contacto físico, e os equipos deberán evitar coincidir na chegada e saída das instalacións. Unha vez no recinto será necesario habilitar os vestiarios necesarios para poder manter a distancia de seguridade ou, na súa falta, establecer quendas.
Un dos puntos máis polémicos ata a data estaba na norma sobre os recoñecementos médicos, quedando limitado agora ao consello de realizar probas de detección de Covid ao iniciar os adestramentos de pretempada ou na súa falta 72 horas antes do inicio da competición.
En canto á presenza de público, fíxase como recomendación a cifra máxima de 1.000 espectadores ao aire libre e 500 baixo teito, aínda que aquí a responsabilidade final será de cada comunidade autónoma, e no caso de Galicia o Secretario Xeral para o Deporte xa se mostrou partidario de estudar algún incremento puntual para equipos como o Pontevedra, en estadios que o permitan.
Por último, entre diversas cuestións destaca o protocolo de actuación en caso de rexistrar algún positivo no equipo, que deberá ser comunicado inmediatamente á Consellería de Sanidade, á federación deportiva correspondente e á autoridade local, debendo seguir as recomendacións do Ministerio de Sanidade e sendo obrigado realizar unha desifección meticulosa nas instalacións.
Relacionadas:
-
Lete Lasa ve na dupla galaico canaria que forman Patricia Suárez e María Cantero o futuro da vela galega
Por Redacción |
-
A Xunta esixirá aos equipos galegos de ligas estatais realizar test serolóxicos cada dúas semanas
Por Redacción |
-
Sorteado o calendario de Terceira: O Arosa debuta na casa contra o Arenteiro, o Ribadumia visita ao Ourense CF
Por Manu Otero |
-
O Arxil debuta este martes en Copa Galicia diante do Celta Zorka
Por Redacción |
-
Pasarón poderá contar cun aforo superior aos 1.000 espectadores recomendados polo Consello Superior de Deportes
Por Diego Espiño |
-
A RFEF divide o fútbol sala en subgrupos: o Leis competirá nun grupo autonómico e O Fisgón, contra galegas e salmantinas
Por Manu Otero |
-
A RFEF aclara a nova 2ª B: os tres primeiros de cada grupo terán que superar unha segunda fase e un play-off para subir
Por Redacción |
-
Mercé Barrientos e Jesús Benito presentan o seu libro 'Taekwondo. Técnica, táctica, estrategia, competición' no CGTD
Por Redacción |
-
Lete Lasa asegura que non subir de 1.000 espectadores para clubs como o Pontevedra "sería abocalos ao peche"
Por Diego Espiño |
-
A RFEF esixe ao CSD un "plan transversal" para os deportes de equipo antes de iniciar as competicións
Por Manu Otero |