Talento serbio para a portería do Teucro
Por Redacción
Novo inquilino para a portería do Teucro. A actual xunta xestora do conxunto azul, asesorados pola adestradora Irene Vilaboa e o director deportivo Milucho Pintos, acaba de pechar a fichaxe do gardameta serbio Stefan Manoljovic.
Procedente do HC Iskra Bugojno da primeira división bosníaca e de 28 anos de idade, este porteiro de 2,02 metros de altura e 110 quilos de peso asina un contrato por unha tempada coa escuadra lerezana.
Antes de recalar na liga bosníaca, Manoljovic pasou por diferentes equipos da primeira e segunda división do seu país. Así mesmo, foi internacional júnior co combinado serbio e no 2015 xa estivo en España realizando adestramentos co Balonmán Huesca xunto a Rodrigo Corrales aínda que finalmente non foi contratado pola súa condición de extracomunitario.
Actualmente dispón de pasaporte europeo, polo que non ocupará praza de estranxeiro. A súa adaptación ao equipo tampouco será un problema debido a que fala inglés con naturalidade e tamén é capaz de expresarse en alemán e español.
Relacionadas:
-
O Teucro ficha o lateral esquerdo Diego Martínez
Por Redacción |
-
O Teucro volve aos adestramentos sen contactos nin partidos de pretempada
Por Manu Otero |
-
O Teucro amplía o contrato de Iago Rodríguez, que dá o salto ao primeiro equipo
Por Redacción |
-
O extremo esquerdo Ricardo González, novo reforzo para o Teucro
Por Redacción |
-
Alejandro Gómez, xogador do Teucro: "Renovo porque quero ter unha experiencia nun equipo de Prata"
Por Redacción |
-
Roi Sierra renova co Teucro e consolídase como xogador do primeiro equipo
Por Redacción |
-
David Rey dá o salto ao primeiro equipo do Teucro
Por Redacción |
-
Samuel Pereiro renova co Teucro e convértese no quinto xogador confirmado do equipo
Por Redacción |
-
O pivote Víctor Deco, segunda incorporación do Teucro
Por Redacción |
-
Caüe Herrera, terceira peza confirmada para o Teucro 20/21
Por Redacción |
-
Miguel Sío volve ao Teucro seis anos despois
Por Redacción |
-
O Teucro renova a Marko Dzokic unha tempada máis
Por Redacción |