O Fisgón empeza a planificar a nova tempada renovando a 'Pau', a súa capitá
Por Redacción
O Fisgón empeza a despexar as incógnitas para a nova tempada.
Despois de caer nas semifinais dos playoff de ascenso a Primeira División de fútbol sala, o club marinense comezou a estruturar o persoal do próximo curso.
Tal e como anunciaron a través das redes sociais, a primeira renovación pasa pola capitá, Paula García Blanco 'Pau', que seguirá guiando ao equipo para tentar asaltar, por fin, a máxima categoría do fútbol sala feminino español.
Tempada 2020-21 | Renovación. A nosa capitá @Paugarciablanco vai continuar á fronte da tropa pirata. #serpiratamola #futsal #futsalfem #acfsf pic.twitter.com/HPFOh8UQKO
— @ofisgonfutsal (@ofisgonfutsal) July 26, 2020
Aínda que aínda non hai unha data para o inicio de liga, as de Marín xa se puxeron ao choio para estruturarse e obter os mellores resultados posibles na campaña 2020/2021.