O Equipo Nacional concentra en Madrid a Alicia Bouzas, nadadora do Galaico
Por Redacción
A volta á normalidade segue chegando ao deporte despois da crise sanitaria polo coronavirus.
Cos clubs regresando aos poucos aos adestramentos, tamén son os equipos nacionais os que queren sumarse a esta normalidade e iniciar as concentracións dos mellores deportistas do país.
Entre eles atópase a nadadora do CN Galaico, Alicia Bouzas, que foi convocada polo Equipo Nacional Infantil para unha concentración de tecnificación que se celebrará do 26 de xullo ao 1 de agosto en Buitrago de Lozoya (Madrid).
A ela súmanselle as galegas Sofía Carballo (CN Ponteareas) e Carla Carrón (CN Arzúa), mentres que Pablo Cabana (CN Ponteareas) estará como integrante do Equipo Nacional Junior-1 de Augas Abertas.
Para esta concentración tamén está convocado Andrés Carrera, adestrador do CN Ponteareas, como integrante do cadro técnico.
Relacionadas:
-
Os nadadores do CN Galaico seguen en racha e terminan segundos en Ponteareas
Por Redacción |
-
Un verán de portas abertas no Club Natación Galaico
Por Redacción |
-
Convocadas 160 prazas para a tempada 20/21 no Centro Galego de Tecnificación Deportiva
Por Redacción |
-
O Galaico volve aos adestramentos no Pontillón
Por Manu Otero |