Javi Gómez Noya buscará o seu quinto título europeo en Estonia
Por Redacción
Co calendario tanto nacional como internacional pendendo dun fío, os triatletas empezan a fixarse obxectivos concretos, que no caso de Javier Gómez Noya apuntan cara ao Campionato de Europa.
O campionísimo galego encabezará xunto a Mario Mola o equipo da Selección Española no Europeo previsto para o día 28 de agosto en Tartu, Estonia. Así o confirmou á axencia EFE o o seleccionador español, Iñaki Arenal.
En Estonia Gómez Noya pelexará polo que sería o seu quinto título continental, tras os conseguidos en Copenhague (2007), Holten (2009), Eilat (2012) e Lisboa (2016), ao que se suma a medalla de prata conseguida en 2010 en Irlanda.
Se o coronavirus o permite esta proba, que apunta a unha participación do máximo nivel precisamente pola ausencia doutras citas internacionais xa canceladas, celebrarase só unha semana despois do Campionato de España Sprint de Pontevedra, onde teñen previsto probarse tanto o propio Noya como Mario Mola.
Xunto a eles no equipo nacional masculino estarán en Tartu o talaverano Fernando Alarza, o valenciano Roberto Sánchez e o vigués Antonio Serrat.
Pola súa banda o conxunto español feminino estará composto por Miriam Casillas, Carolina Routier, Sara Pérez, Xisca Tous e Tamara Gómez.
Relacionadas:
-
O europeo de tríatlon de Estonia, cancelado pola pandemia
Por Manu Otero |
-
Javi Gómez Noya e Saleta Castro participan nunha travesía a nado solidaria en Oleiros
Por Redacción |
-
O Nacional Sprint de Tríatlon en Pontevedra, na corda frouxa
Por Diego Espiño |
-
VÍDEO.- Javi Gómez Noya, da cama a correr pola cidade
Por Alejandro Espiño |
-
Confirman a Pontevedra como sede do Nacional Sprint de Tríatlon, con Gómez Noya e Mola como principais reclamos
Por Diego Espiño |
-
Pontevedra, principal candidata a albergar en agosto o Campionato de España Sprint de tríatlon
Por Diego Espiño |
-
A "reunión social" particular de Gómez Noya e Pablo Dapena na Illa das Esculturas
Por Redacción |