David Rey dá o salto ao primeiro equipo do Teucro
Por Redacción
Na presentación de Irene Vilaboa como adestradora da Sociedad Deportiva Teucro o director deportivo do club, Milucho Pintos, sinalou a necesidade de dar un cambio ao modelo deportivo ao entender que "deberiamos nutrirnos de xogadores da canteira e de máis xogadores galegos".
Esa decisión vaise traducir esta campaña, empuxados tamén pola redución orzamentaria, nunha maior presenza de xogadores da casa e do filial que o curso pasado militaba na Primeira Nacional.
Neste último perfil encaixa David Rey, canteirán teucrista ata o de agora con ficha no segundo equipo que foi confirmado este martes a todos os efectos como xogador do plantel de División de Honra Prata.
RENOVACIÓN. Un paso al frente de nuestra cantera. @Davidreyf será uno de los jugadores formados por la SD Teucro para la temporada 20-21. Lleva toda una vida como teucrista. #somosazuis
— S.D. Teucro (@sdteucro) July 14, 2020
Más información https://t.co/4AfIc8zQhF pic.twitter.com/J7mL5jyCgY
Será o primeiro pero non o último xogador que do salto ao primeiro equipo. No seu caso, o lateral esquerdo iniciouse no Teucro en categoría alevín completando todas as idades de formación ata chegar ao filial, marchando como cedido ao Chapela de Primeira Nacional na 18/19.
Na tempada recentemente finalizada, de regreso ao Municipal pontevedrés, Rey compaxinou adestramentos e partidos en Prata e en Primeira Nacional, aínda que con ficha no segundo equipo.
"Achegará ao equipo lanzamento exterior e reforzará as tarefas defensivas", sinalan sobre el desde o club azul.
Pola súa banda o xogador asegura que "renovo no Teucro porque síntome moi cómodo e é o club da miña vida. Ilusióname o proxecto que queren sacar este ano", ao que se suma a súa intención de "achegar o meu máximo ao equipo".
Co canteirán son xa seis os xogadores confirmados para o próximo proxecto teucrista, xunto a Samuel Pereiro, Marko Dzokic, Caüe Herrera e os fichados Miguel Sío e Víctor Deco.
Relacionadas:
-
O Teucro volve aos adestramentos sen contactos nin partidos de pretempada
Por Manu Otero |
-
Talento serbio para a portería do Teucro
Por Redacción |
-
Alejandro Gómez, xogador do Teucro: "Renovo porque quero ter unha experiencia nun equipo de Prata"
Por Redacción |
-
Sergio Lorenzo, outro xogador que alternará o filial co primeiro equipo do Teucro
Por Redacción |
-
Pedro Sánchez, un comodín para o Teucro que alternará entre primeiro e segundo equipo
Por Redacción |
-
Cristian Remeseiro dá continuidade ás renovacións e ascensos desde o filial no Teucro
Por Redacción |
-
Roi Sierra renova co Teucro e consolídase como xogador do primeiro equipo
Por Redacción |
-
Jacobo Río, segundo ascenso desde o filial ao primeiro equipo do Teucro
Por Redacción |
-
Definida a Copa Galicia de balonmán para Cisne, Teucro e Bueu Atlético
Por Redacción |
-
Samuel Pereiro renova co Teucro e convértese no quinto xogador confirmado do equipo
Por Redacción |
-
O Teucro incorpora a Sergio Rey como novo preparador físico do seu primeiro equipo
Por Redacción |
-
O pivote Víctor Deco, segunda incorporación do Teucro
Por Redacción |
-
Caüe Herrera, terceira peza confirmada para o Teucro 20/21
Por Redacción |
-
Miguel Sío volve ao Teucro seis anos despois
Por Redacción |
-
O Teucro renova a Marko Dzokic unha tempada máis
Por Redacción |