O Peixe Galego solicita á FEB a súa praza en LEB Ouro e non se esquece da Liga Feminina 2
Por Redacción
Paso á fronte do Marín Peixe Galego no seu obxectivo de saír por terceira tempada na súa historia na Liga LEB Ouro, categoría na que competiu o último curso ata a suspensión provocada polo coronavirus.
Pese ao obstáculo que supuxo a ratificación por parte da Federación Española de Baloncesto (FEB) duns importantes requisitos económicos a modo de inscrición e aval, o club marinense quere manterse na segunda categoría do baloncesto masculino nacional.
Tanto é así que este mércores 8 de xullo o Peixe solicitou formalmente a súa praza en LEB Ouro, adiantándose así ao prazo máximo establecido nas bases de competición e que sinala como data tope o 17 de xullo para depositar o aval de 150.000 euros requirido así como a inscrición de 36.000 euros.
A directiva do club marinense decidiu lanzarse "á espera de concretar os apoios necesarios para definir o proxecto", segundo confirmou o club.
El Marín @CLUBPEIXEGALEGO ha solicitado hoy a la @CompeticionFEB las plazas de #LEBOro y #LF2 a la espera de concretar los apoyos necesarios para definir el proyecto.#forzapeixe pic.twitter.com/NjrrBCTDYQ
— MARIN PEIXEGALEGO (@CLUBPEIXEGALEGO) July 8, 2020
Ademais o Peixe Galego non renuncia á posibilidade de competir cun equipo na Liga Feminina 2, categoría na que un principio quedou como reserva dentro do proceso de ampliación e na que os da Raña pediron de novo poder estar a partir do próximo curso.
Relacionadas:
-
O equipo feminino do Peixe Galego inscríbese en Primeira Nacional tras quedar sen praza en LF2
Por Redacción |
-
Oficial: A Federación deixa o Peixe Galego sen praza en LEB Ouro e o resto de categorías nacionais
Por Diego Espiño |
-
O Peixe Galego paga a inscrición en LEB Ouro pero chega tarde co aval e queda en mans da Federación
Por Diego Espiño |
-
Última bala no Peixe Galego para tentar saír en LEB Ouro
Por Diego Espiño |
-
17 de xullo, data tope do Peixe Galego para inscribirse nunha LEB Ouro que se dividirá en dous grupos
Por Diego Espiño |
-
Tai Badmus deixa o Peixe Galego despois de dúas tempadas e ficha polo Basquet Coruña
Por Redacción |
-
A Federación Española denega a praza en Liga Feminina 2 ao Peixe Galego
Por Diego Espiño |
-
O Peixe Galego dobra a súa aposta e formaliza a inscrición dun equipo na Liga Feminina 2
Por Diego Espiño |