Aprazada definitivamente ata 2021 a cuarta edición do RallyMix de Cuntis
Por Diego Espiño
Finalmente a cuarta edición do RallyMix Cuntis Vila Termal tamén sucumbiu ao coronavirus e non se celebrará en 2020, segundo anunciou este martes de maneira oficial a Escudería Cuntis Vila Termal.
A proba automobilística, fixada inicialmente para os días 14 e 15 de marzo, foi dos primeiros eventos aprazados no seu momento pola crise sanitaria do Covid-19 coincidindo co decreto do Estado de Alarma, pero a organización apostara por recolocalo no calendario coa esperanza de que puidese ter lugar.
Así, no calendario aprobado a finais de maio pola Federación Galega de Automobilismo o RallyMix Cuntis aparecía fixado para os días 11, 12 e 13 de setembro.
Con todo, pese ao esforzo da escuadra e o apoio do Concello, e tras unha reunión celebrada cos responsables do goberno local, decidiron que o mellor é pospoñer o rally de maneira definitiva renunciando a que se corra en 2020.
"A pesar de ter a inscrición máis numerosa da nosa historia, preferimos renunciar á celebración da proba neste ano 2020 para poder afrontala con total garantía en 2021", explica a organización nun comunicado.
Unha decisión "dura, pero responsable", aseguran, ao "non poder garantir as medidas de hixiene e distanciamento social, tanto de equipos como de afeccionados".
A comarca queda así sen unha proba automobilística que a pesar da súa curta traxectoria congregaba un gran número de afeccionados atraídos pola súa vistosidade. Terán que esperar para volver vivilo ao próximo ano, sempre que o coronavirus o permita".
Relacionadas:
-
Javier Ramilo triunfa na cuarta edición do 'RallyMix' de Cuntis
Por Redacción & Cristina Saiz |
-
O RallyMix de Cuntis pecha a lista de rexistrados con 84 pilotos, entre eles Christine GZ e Nil Solans
Por Manu Otero |
-
As subidas a Pontevedra e Marín e os Rallymix de Cuntis e Ribadumia, no precalendario 2021 do automobilismo galego
Por Diego Espiño |
-
Musicomedia familiar para a velada do venres en Cuntis
Por Redacción |
-
O RallyMix Cuntis e a II Subida a Marín, únicas probas automobilísticas da comarca que se manteñen no calendario
Por Redacción |
-
O aprazamento do RallyMix de Cuntis completa a suspensión de todo o deporte na área de Pontevedra
Por Redacción |
-
Máis de medio cento de inscritos nun RallyMix de Cuntis que promete espectáculo na súa cuarta edición
Por Redacción |
-
Jan e Nil Solans, campións do Mundo júnior de rallys, grandes reclamos do IV RallyMix de Cuntis
Por Diego Espiño |