O "raro" regreso dos atletas da Gimnástica á pista do CGTD
Por Redacción
Despois de varios meses de espera e adestramentos na casa primeiro, e en zonas públicas ao aire libre despois, os atletas da Sociedad Gimnástica entraron na 'nova normalidade deportiva', a que supón o seu regreso aos adestramentos na pista do Centro Galego de Tecnificación Deportiva de Pontevedra.
Ata o 22 de xuño só podían exercitarse nas instalacións que xestiona a Xunta de Galicia os considerados Deportistas de Alto Nivel (DAN), o que pechaba a porta a moitos dos atletas do club. Agora con todo xa poden regresar á súa 'casa', iso si, baixo estritas medidas de prevención e seguridade.
"Temos que manter máis as distancias, non estamos tan xuntos como antes e hai menos sensación de equipo", recoñece a lanzadora Iria Filgueira, para quen "é raro" por exemplo non poder axudar a colocar os valos.
Con todo a valoración dos atletas é positiva "a pesar das medidas de seguridade que tivemos que adoptar", explica a pertiguista Marta González, e é que no seu caso "foi unha marabilla poder volver facer a técnica de pértega para volver coller un pouco o hábito de saltar", asegura. Todo coas "ganas e motivación de pensar que se todo isto evoluciona ben máis adiante podamos competir".
Tamén o velocista Pedro Fernández valora como un gran paso adiante aproximarse a "un adestramento máis normal, máis en serio, cos cravos e os tacos, que che preparan moito máis”.
Agora, á espera de que se fixen competicións para o tramo final de ano, contan que a partir do mes de setembro, o obxectivo será ir recuperando aos poucos a forma e evitar lesións para cando chegue o momento poder competir coas maiores garantías. Ganas non lles faltan despois de tantos días sen poder gozar do seu deporte.
Relacionadas:
-
A Gimnástica, satisfeita co resultado dos seus atletas no Campionato Galego Absoluto
Por Redacción |
-
Atletismo na Ponte do Burgo para celebrar a IV edición do Saltar na Rúa
Por Redacción & Cristina Saiz |
-
A Sociedad Gimnástica xa ten rivais para a Copa de España
Por Redacción |
-
Convocadas 160 prazas para a tempada 20/21 no Centro Galego de Tecnificación Deportiva
Por Redacción |
-
A Escola Galega do Deporte volve á actividade no CGTD
Por Redacción |
-
Aprobado un "calendario de mínimos" no atletismo galego para retomar a competición en 2020
Por Redacción |
-
O Medio Maratón de Pontevedra non quere faltar á súa cita e anuncia a súa XXV edición para o 18 de outubro
Por Diego Espiño |
-
A Federación cancela as ligas de atletismo para esta tempada e substitúeas pola Copa de España de clubs
Por Redacción |
-
O CGTD avanza cara a nova normalidade
Por Redacción |
-
Os atletas da Gimnástica retoman os adestramentos en grupo
Por Redacción |
-
Desescalada no deporte: así viviron os atletas da Gimnástica os seus primeiros adestramentos no exterior
Por Redacción |