Asobal fixa en 43.000 euros o canon que debe abonar o Cisne para pertencer á asociación de clubs
Por Diego Espiño
Compénsalle a nivel económico ao Club Cisne entrar a formar parte da asociación de clubs? Iso é o que debe decidir nos próximos días o club pontevedrés, que por primeira vez na súa historia competirá na máxima categoría do balonmán nacional.
Nunha tensa asemblea celebrada este luns e que se prolongou durante gran parte da xornada a asociación, Asobal, estableceu os requisitos que se lle impoñerán aos ascendidos, Cisne e Villa de Aranda, para entrar a formar parte. Cun matiz, por primeira vez os equipos recentemente chegados poden elixir non entrar Asobal sen perder a súa praza na División de Honra, tras a posibilidade aberta na última asemblea da Federación Española, aínda que esta decisión será impugnada segundo o acordado na reunión deste luns.
Os membros de Asobal aprobaron establecer en 43.000 euros o canon de acceso, con 28.000 euros a abonar antes de que finalice xullo e 15.000 máis supeditados á auditoría á que se someterá a asociación.
A estas cantidades o Cisne debe sumar os 10.000 euros obrigatorios de cota de participación e 7.500 máis polo mesmo concepto para a Federación Española.
"O ideal é estar", recoñece respecto diso o presidente cisneísta, Santiago Picallo, aínda que o club pontevedrés prefire de momento esperar acontecementos ata coñecer o resultado da auditoría. Ante esta situación "xa veremos o que facemos", confirma o dirixente.
O canon de acceso é un aval que sería devolto no caso de descenso, e sen o cal os equipos participantes na máxima categoría perderían acceso ás contraprestacións pola venda conxunta de dereitos de imaxe e por retransmisión.
O Cisne no seu plan orzamentario para dar o salto á Liga Asobal cuantificaba o investimento nestas partidas nos 60.000 euros, cifra que se aproxima finalmente á realidade pero que aínda debe ser obxecto de exame profundo, sobre todo no caso dalgún club dos grandes como o Barcelona termine materializando a súa ameaza de abandonar a asociación de clubs, porque "sen eles isto cáese", recoñece Picallo.
Relacionadas:
-
Asobal e Cisne acadan un acordo para a adhesión dos brancos á asociación de clubs
Por Redacción |
-
O Comité de Competición suspende provisionalmente o sorteo de Asobal no que o Cisne apareceu como 'club 17'
Por Diego Espiño |
-
O Cisne ou "club 17" debutará en Asobal na casa o 2 de setembro fronte ao Cuenca Ciudad Encantada
Por Redacción |
-
Asobal exclúe o Cisne do sorteo da tempada por estar "pendente de completar documentación"
Por Diego Espiño |
-
O Cisne finaliza a tempada con superávit pero "muy preocupados por los posibles rebrotes"
Por Almu Dapena |
-
Javi Vázquez renova e non perderá o debut do Cisne en Asobal
Por Redacción |
-
Renovación por dúas tempadas de Pablo Picallo no Cisne
Por Redacción |
-
Andrés Sánchez renova e resolve unha das principais dúbidas do Cisne
Por Redacción |
-
David Chapela pecha a súa renovación co Cisne: "Es un año que no me podía perder"
Por Redacción |
-
Miguel Simón, décima renovación do Cisne
Por Redacción |
-
O Cisne 'ficha' un novo patrocinador principal para a súa estrea na Liga Asobal
Por Diego Espiño & Mónica Patxot |
-
O Cisne pecha a renovación de Daniel Ramos para o seu proxecto en Asobal
Por Redacción |
-
O Cisne fai oficial a fichaxe do pivote Gonzalo Carró
Por Redacción |
-
Nova homenaxe ao Cisne polo seu ascenso á Liga Asobal, esta vez na Deputación
Por Diego Espiño & Mónica Patxot |
-
O Cisne fai oficial o regreso de Carlos Pombo
Por Redacción |
-
O Cisne pecha as fichaxes de Carró e Pombo e busca un primeira liña
Por Manu Otero |
-
Unha celebración do ascenso a Asobal en diferido para o Cisne
Por Manu Otero |
-
Ao Cisne espéralle unha Asobal de 34 xornadas e varios partidos entre semana
Por Diego Espiño |
-
Dobrar o seu orzamento e mudarse ao Pavillón Municipal, pasos obrigados do Cisne para competir en Asobal
Por Diego Espiño |