O Teucro renova a Marko Dzokic unha tempada máis
Por Redacción
A xunta xestora do Teucro alcanza un acordo para a renovación por unha tempada máis de Marko Dzokic. As súas boas actuacións tanto en defensa como ataque durante a última campaña, así como a súa adaptación ao club convenceron á dirección deportiva que encabezan a adestradora Irene Vilaboa e Milucho Pintos para ofrecerlle a renovación do contrato.
O serbio de 28 anos será o encargado de dirixir o xogo teucrista a próxima tempada na División de Honra Prata masculina desde a posición de central. "É unha aposta segura", explican desde o club no comunicado co que anunciaron a renovación do xogador que chegou a pasada tempada a Pontevedra.
Os que non seguirán no conxunto azul o próximo curso son Ferrán Cisneros e Fran Bujalance que xa se despediron da afección a través das redes sociais. Tampouco seguirá vestindo a elástica teucrista Cristopher Corneil. O francés tiña contrato coa entidade azul, pero ambas as partes chegaron a un acordo para a rescisión do contrato posto ao ter unha ficha inasumible nestes momentos para as arcas do cadro lerezano, no que estaban moi satisfeitos co rendemento do xogador.
Desde a xunta xestora teucrista confirman tamén, despois de facer oficial renúnciaa do filial á súa praza en Primeira Nacional, que os xogadores da canteira que o ano pasado alternaron as súas aparicións co primeiro e segundo equipo serán a partir da próxima tempada integrantes do primeiro plantel.
A falta de fichaxes, que esperan confirmar nas próximas semanas, o plantel que terá ás súas ordes Vilaboa terá unha alta cota de xogadores da canteira que adestrarán co primeiro equipo pero terán ficha co filial.
Relacionadas:
-
O Teucro volve aos adestramentos sen contactos nin partidos de pretempada
Por Manu Otero |
-
Talento serbio para a portería do Teucro
Por Redacción |
-
Roi Sierra renova co Teucro e consolídase como xogador do primeiro equipo
Por Redacción |
-
Jacobo Río, segundo ascenso desde o filial ao primeiro equipo do Teucro
Por Redacción |
-
David Rey dá o salto ao primeiro equipo do Teucro
Por Redacción |
-
Samuel Pereiro renova co Teucro e convértese no quinto xogador confirmado do equipo
Por Redacción |
-
O Teucro incorpora a Sergio Rey como novo preparador físico do seu primeiro equipo
Por Redacción |
-
O pivote Víctor Deco, segunda incorporación do Teucro
Por Redacción |
-
Caüe Herrera, terceira peza confirmada para o Teucro 20/21
Por Redacción |
-
Miguel Sío volve ao Teucro seis anos despois
Por Redacción |
-
Orzamento reducido e permanencia, obxectivos do Teucro para unha nova e "moi competida" División de Honra Prata
Por Manu Otero |