O Concello de Marín reúnese cos clubs deportivos para xestionar o uso das instalacións pechadas
Por Redacción
A área de Deportes do Concello de Marín, representada polos concelleiros Antonio Traba e Antonio Caíña, tiveron este sábado unha reunión telemática cos representantes dos diversos clubs deportivos da vila que utilizan os pavillóns pechados para os seus adestramentos.
En concreto, estiveron representados o Peixe Galego, os clubs de fútbol sala La Peña, Ancoradoiro, ED Marín e O Fisgón; a asociación deportiva Don+ de judo, o de boxeo Team Thunder e os de rítmica Agarimo, In Mare e Vila de Marín.
Durante o encontro, o concelleiro de Deportes expuxo ás formacións deportivas como se veñen xestionando as únicas instalacións que están a ser utilizadas, que son as pistas de atletismo e as pistas de tenis, con franxas horarias e limitacións.
O resto dos pavillóns, polo menos polo momento, "consideramos que deben manterse pechados no mes de xullo. Xa é un mes no que normalmente pechábamos estas instalacións, porque as competicións rematan en xuño e podíamos así dedicar este mes a mantemento", explica Traba.
De todos os xeitos, "o que buscabamos na reunión era precisamente coñecer as demandas dos clubs, sobre todo a nivel competición, para poder axustar con eles as posibilidades de reapertura destas instalacións, así como os protocolos das mesmas".
Así mesmo, o concelleiro tamén anunciou que proximamente se manterá outro encontro telemático cos equipos de deportes ao aire libre para coñecer as súas demandas e poder encauzar a xestión da nova normalidade.
Relacionadas:
-
Boxeo sen contacto na nova normalidade do Team Thunder
Por Manu Otero |
-
O Concello de Marín supervisa a colocación de terrazas
Por Oskar Viéitez |
-
O Valdetires de Ferrol e o Viaxes Amarelle, "rivales muy duros" para O Fisgón no seu soño polo ascenso
Por Almu Dapena |
-
O Fisgón e Leis, primeiros equipos galegos en someterse aos test de Covid-19
Por Diego Espiño | Creada e actualizada